Болҕомтону тардар быыстапка

Дьокуускайга А.Е.Кулаковскай аатынан норуоттар доҕордоһууларын дьиэтигэр Улуу Кыайыы устуоруйатын сырдатар ураты быыстапка тэрилиннэ.

Бу «Живи в веках, Победа» быыстапканы норуоттар доҕордоһууларын дьиэтэ уонна «Саха сирин кэллиэксийэньиэрдэрэ» түмсүү көмөлөөн тэрийбиттэр.

Манна Аҕа дойду уоттаах сэриитигэр эйэлээх олоҕу уһансыбыт ытык дьоммут тустарынан кэпсиир карточкалар кэккэлии ууруллубуттар. Бу Улуу Кыайыы 50  сылыгар «Сахаполиграфиздат» бэчээттээн таһаарбыт. Маны Николай Федоров харыстаан уура сылдьыбыт. Маны сэргэ, быыстапкаҕа Никифор Иванов уонна Саргылаана Григорьева аккырыыккалары аҕалан бар дьон көрүүтүгэр уурдулар диэн иһитиннэрэр норуоттар доҕордоһууларын дьиэтин пресс-сулууспата.