Больничнай илиис төлөбүрүн ааҕыллыыта уларыйар

2025 сылга больничнай илиис босуобуйатын кээмэйэ улаатар.

Больничнай илиис төлөбүрэ күҥҥэ 5 673,97 солк. диэри ананыаҕа, диэн Социальнай пуондаҕа иһитиннэрдилэр. Больничнай илиис ааҕыллыытыгар икки инники сыллааҕы орто хамнас төлөбүрүн кээмэйэ ылыллар.

Босуобуйа кээмэйэ страховой ыстаастан уонна хамнас кээмэйиттэн тутулуктаах:

• 8 сылтан ордук ыстаастаахтарга — 100%;
• 5-тэн 8 сылга диэри ыстаастаахтарга — 80%;
• 5-тэн кыра ыстаастаахтарга -60%.

8 сыл ыстаастаахтарга ыйдааҕы босуобуйа муҥутуур кээмэйэ -172 488,69 солк. буолар. Хамнас төлөбүрэ хамнас алын кээмэйиттэн (МРОТ) кыра эбэтэр үлэ ыстааһа алта ыйтан намыһах буоллаҕына, орто хамнаһы МРОТ кээмэйинэн учуоттанан ааҕыллар. Бу сылга МРОТ кээмэйэ — 22 240 солк. тэҥнэһэр.