Хаартыска: Банки.ру
Саха сиригэр 2023 сылга 130 тыһыынчаттан тахса киһи «больничнай» босуобуйатын ылбыт. Манна Социальнай пуонда Саха сиринээҕи салаата 4 миллиард солкуобайы ыыппыт.
2024 сыл тохсунньу 1 күнүттэн «больничнай» босуобуйа муҥутуур кээмэйэ үрдээн, күҥҥэ 4039 солкуобайга тэҥнэспитэ. Алын кээмэйэ күҥҥэ 632 солкуобайга тэҥнэһэр.
— «Больничнай» босуобуйа кээмэйэ страховой ыстаастан уонна икки кэнники сыллааҕы хамнас орто кээмэйиттэн тутулуктаах. Ыстаас 5 сылтан аҕыйах буоллаҕына, орто хамнас 60%-на, 5-8 сыл буоллаҕына — 80%-на төлөнөр. Оттон ыстаас 8 сылтан элбэх буоллаҕына, хамнас 100% кээмэйэ төлөнөр, — диэн Социальнай пуонда салаатын салайааччы Марина Герман кэпсээтэ.
«Больничнай» бастакы үс күнүн үлэни биэрээччи бэйэтин үбүттэн төлүүр. Төрдүс күнтэн ыла Социальнай пуонда салаата төлөөн барар. Үлэһит дьиэ кэргэнин ыалдьыбыт чилиэнин көрөөрү-истээри «больничнай» ылбыт, эбэтэр, харантыыҥҥа олорор, быратыаһы оҥорторор, санаторийга эмтэнэр буоллаҕына — «больничнай» бастакы күнүттэн Социальнай пуонда салаата төлүүр. Пуондаҕа сибидиэнньэ киириэҕиттэн, 10 үлэ күнүн устата харчы төлөнүөхтээх.
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…
"Амма" эрэгийиэннээҕи айан суолун 93-94 км учаастагар билигин да күөлтэн уу киирэ турар. "СУ-77" тэрилтэ…