Хаартыска: СИА
«Большой Дальневосточный квест» куонкурус быйыл «Дни регионов Дальнего Востока в Москве – 2024» бэстибээл чэрчитинэн ыытыллар. Куонкуруска 27 финалист быһаарылынна.
Күрэхтэһии бүтэһик иккис түһүмэҕэр кыттааччылар куонкурус сүрүн бирииһин иһин киирсиэхтэрэ — Уһук Илин эрэгийиэннэринэн, ол иһигэр Саха сиригэр икки киһиэхэ путевка оонньонор. Күрэхтэһии бастакы түһүмэҕэр кыттааччылар араас тургутууну ааспыттара, Уһук Илин туһунан билиилэрин бэрэбиэркэлээбиттэрэ. Түмүгэр саамай элбэх баалы ылбыт 27 кыттааччы быһаарылынна.
Финалистары сэрэбиэй кэнниттэн эрэгийиэннэринэн тарҕаттылар, кинилэр иккис түһүмэххэ путевка иһин киирсиэхтэрэ. Кинилэри айар эйгэҕэ эбии сорудахтар күүтэллэр. Ол курдук, куонкурус кыайыылаахтарын Саха сиригэр киин куораты кытта билиһиннэриэхтэрэ. Кыайыылаахтары «Үс Кут» этнографическай комплекска уонна «Булууска» сырытыннарар экскурсия бырагыраамата күүтэр. Ону тэҥэ кыттааччылар Өлүөнэ очуостарын көрүөхтэрэ.
«Большой Дальневосточный квест» тоҕус кыайыылаахтарын ааттара бу сыл ахсынньы 2 күнүгэр быһаарыллыаҕа. Атын 18 финалистар анал бириистэри, оттон саамай элбэх баалы ылбыт 100 кыттааччы финалистар бириистэрин ылыахтара. Финалистар испииһэгин кытта «ВКонтакте» страницаҕа киирэн билсиэххэ сөп.
Санатан эттэххэ, «Дни регионов Дальнего Востока в Москве – 2024» бырайыагы РФ Бэрэсидьиэнин Уһук Илиҥҥэ боломуочуйалаах бэрэстэбиитэлин аппараата, Уһук Илин уонна Арктика сайдыытын корпорацията уонна «Социальнай көҕүлээһиннэри сайыннарыы пуондата» тэрилтэ өйөөтө. Бырагырааманы кытта сиһилии саайтка киирэн билсиэххэ сөп.
«Грипп утары быһыыны хаһан ылар табыллыбатый?», - диэн «Саха сирэ» саайт ааҕааччылара ыйыталлар. Бу ыйытыкка…
Дьокуускайдааҕы килиньиичэскэй балыыһаҕа сэтинньи 24 күнүгэр, Арассыыйаҕа Ийэ күнүгэр, күн сирин көрбүт оҕолору таһаарыы үөрүүлээх…
Бу күннэргэ кэккэ СМИ-нэн Омскай, Амур уобаластарын уонна Санкт-Петербург, Краснодар, Москва куораттарын олохтоохторо ииримтийбит ыттарга…
Хаҥалас улууһун олохтооҕо дьиэтин иһиттэн малын уорбуттарын туһунан полицияҕа тыллаабыт. Эмсэҕэлээччи эр киһи 30 000 солк.…
Дойдубут аҕа баһылыга Владимир Путин сэтинньи 27-28 күннэригэр Казахстаҥҥа командировкаҕа баран кэллэ. Казахстан бэрэсидьиэнин Касым-Жомарт…
Өрөспүүбүлүкэ эбэҥкилэрин түмсүүтэ “Нордголд” хампаанньа көмөтүнэн “Эвэды тылын уйата” бырагырааманы олоххо киллэриитин саҕалаата. Соторутааҕыта Дьокуускайга…