Амма улууһун Болугур нэһилиэгэр Улуу Кыайыы күнүнэн сэлэлээн хаамтылар. Кыайыы күнүн туһунан нэһилиэк баһылыгын солбуйааччы Раиса Николаевна Софронова сырдатта:
— Биһиги нэһилиэкпитигэр үс тыыл бэтэрээннээхпит. 15 сэрии оҕото уонна биир сэрии тулаайаҕа бааллар. Бу өрөгөйдөөх күн Улуу Кыайыы 79 сылыгар нэһилиэк дьоно сэлэлэээн хаамтыбыт, «Георгиевскай лиэнтэ», «Кыайыы түннүктэрэ»аахсыйаҕа көхтөөхтүк кыттан , нэһилиэк дьоно-сэргэтэ түөлбэлэр икки ардыларыгар Кыайыы оһуокайын күрэҕин ыыттыбыт. Маны сэргэ, киэһэ «Кыайыы илдьитэ» диэн аһаҕас микрофон нөҥүө Аҕа дойду улуу сэриитин туһунан ахтыы буолуохтаах. Ону таһынан бүтүн Арассыыйатааҕы «Кинилэр сырдык ааттарыгар сүгүрүйэбин» диэн аахсыйаҕа кыттыһан өйдөбүнньүк чүмэчи уматыыта буолар. Олохтоох дьаһалта, нэһилиэк дьокутааттарын уонна бэтэрээн сэбиэтин ааттарыттан тыыл бэтэрээннэригэр, сэрии оҕолоругар, сэрии тулаайаҕар уонна байыаннай дьайыыга сылдьар байыастарбытыгар, кинилэр дьиэ кэргэттэригэр бэлэх нобуордарын туттардыбыт. Ыам ыйын 7-8 күннэригэр Л.Е.Филиппова аатынан Болугур орто оскуолатын түмэлигэр Улуу Кыайыы 79 сылыгар аналлаах Эр санаа уруога ыытыллыбыта. Уруокка О.П.Иванова-Сидоркевич аатынан Амматааҕы айар сайдыы киинин эбии үөрэхтээһин «Наследие» куруһуок иитиллэччилэрэ түмэлгэ саҥа ыйаммыт Аҕа дойду сэриитин уонна байыаннай дьайыы кыттыылаахтарын сырдатар истиэндэлэри кэпсээтилэр. Сэрии кэмин оҕото, тулаайаҕа, педагогическай үлэ бэтэрээнэ С.Н.Николаева, өр сылларга «Хоһуун» кулуубу салайбыт А.Г.Филиппов уонна нэһилиэк ыччаты кытта үлэҕэ исписэлииһэ С.И.Филиппова кыттыыны ыллылар. Куруһуок оҕолоро хорсун биир дойдулаахтарбыт тустарынан кэпсээн, хоһоон ааҕан, өйдөбүнньүк венок ууран, бэтэрээннэргэ тыыннаах сибэкки дьөрбөтүн туттарбыттара. Маны сэргэ, Амма улууһун баһылыга Степан Николаевич Кузьмин аатыттан бэтэрээннэрбитигэр, сэрии оҕолоругар уонна тулаайаҕар анаан бородуукта нобуорун туттарбыппыт. Маны таһынан педагогическай үлэ бэтэрээнигэр, учууталлар учууталларыгар Светлана Николаевна Николаеваҕа, СӨ тыатын хаһаайыстыбатын бэтэрээнигэр Василий Титович Моисеевка Ытык Сүбэ наҕараадалары бүгүн, Кыайыы күнүгэр туттарабыт.
Ыам ыйын 19 күнүгэр Мохсоҕоллоох таһынан өрүскэ тахсыбыт муус харыытыттан, Кыһыл Сыыр бөһүөлэгиттэн Бүлүү куорат…
Харбиҥҥа Арассыыйа-Кытай VIII ЭКСПО иитинэн СӨ Бырабыыталыстыбатын бэрэссэдээтэлин бастакы солбуйааччы Дьулустаан Борисов China Petroleum Engineering…
Ыам ыйын 13 күнэ. Ил Дархан Бырабыыталыстыба уонна Ил Дархан дьаһалтатын салалтатыгар тирээн турар соруктары…
Нам улууһугар сааскы халаан уутуттан эмсэҕэлээбит нэһилиэнньэҕэ төлөбүрү оҥорорго анаан хоромньуну ааҕыы саҕаланна. Экология миниистирэ…
Нам улууһугар сааскы халаан содулун туоратар үлэлэр саҕаланнылар. Бүгүн, ыам ыйын 20 күнүн күнүс 12:00…
Саха сирин үгүс оройуоннарыгар оттук сезона бу нэдиэлэҕэ түмүктэниэҕэ. Онуоха оттук сезона +8С кыраадыс 5…