Хаартыска: SakhaGov
От ыйын 8 күнүгэр күнүс 1 чаастан Дьокуускайга Өрөспүүбүлүкэ болуоссатыгар Дьиэ кэргэн, таптал күнүгэр анаммыт тэрээһин буолуоҕа.
Бу бырааһынньык көлүөнэлэри сомоҕолуур үтүө үгэскэ кубулуйда, дьиэ кэргэн институтугар ытыктабылы күүһүрдэр. Бу күн «Дьиэ кэргэн килбиэнэ» бэлиэни туттарыы үөрүүлээх сиэрэ-туома буолуоҕа.
Наҕарааданы 50-тан тахса сыл бииргэ олорбут 4 дьиэ кэргэҥҥэ туттарыахтара. Бу ыаллар өр сылларга бииргэ иллээхтик-эйэлээхтик олорбуттарын тухары харыстан кэлбит истиҥ сыһыаннарын, бэриниилээх буолуу, ытыктабыл уонна таптал дьиҥнээх холобурдара буолаллар.
Маны тэҥэ, «Дьиэ кэргэн үгэстэрэ – көлүөнэлэр ситимнэрэ» видеокуонкурус түмүгүн таһаарыы буолуоҕа. 1-кы уонна 2-с миэстэлэри ылбыт дьиэ кэргэттэри анал хамыыһыйа быһаарыаҕа, оттон 3-с миэстэ көрөөччүлэр куоластааһыннарын түмүгүнэн быһаарыаллыаҕа. Күрэхтэһии дьиэ кэргэн үгэстэрин уонна сыаннастарын атастаһар улахан суолталаах түһүмэх буолар.
Болуоссакка «Улахан дьиэ кэргэн вальса» диэн үҥкүүнэн флешмоб ыытыллыаҕа.
Бырааһынньык бүтэһик түһүмэҕинэн таптал уонна бэриниилээх буолуу маассабай үҥкүүтэ буолуоҕа, онно саҥа ыал буолбут эдэрдэр, ыал буолбуттара 25 сылын бэлиэтиир «үрүҥ көмүс пааралар», ону тэҥэ, бу күн үөрүүтүн үллэстиэн баҕалаах атын да ыаллар кыттыахтара.
ЗАГС управлениета сылаас эйгэнэн, истиҥ иэйиинэн, сырдык үөрүүнэн туолбут бырааһынньыкка бары кыттыыны ыларгытыгар ыҥырар.
Саҥа дьыллааҕы бырааһынньыктары көрсө Судаарыстыбаннай Дуума дьокутаата Олег Леонов ТАСС-ка биэрбит кэпсэтиитигэр пиротехниканы куттала суох…
ИДьМ сулууспатын Ньурба улууһун отделын дьуһуурунай чааһыгар олохтоох киһи суотабай төлөпүөнүн уорбуттарын туһунан сайабылыанньа суруйбут.…
Дьокуускай куорат борокуратуурата сэдэх (орфаннай) ыарыынан ыалдьар инбэлиит быраабын көмүскээн, үрдүк сыаналаах эминэн хааччылларын ситистэ.…
Байыаннай дьайыы бэтэрээнин Пеледуй бөһүөлэк орто оскуолатыгар тэриллибит Москва анныгар фашистскай халабырдьыттары утары кыргыһыы 84…
Саҥа Дьыл чугаһаабытынан Саха сирин олохтоохторо дьиэлэригэр, «утренниктарга» уонна тэрилтэлэрин киэһэлэригэр Тымныы Оҕонньору уонна Хаарчаананы…
Ил Дархан 2025 сыл түмүктэрин таһаарыаҕа уонна өрөспүүбүлүкэ сайдыытын кэскилин торумнуоҕа. Ахсынньы 23 күнүгэр, Дьокуускай…