Бүгүн, ыам ыйын 9 күнүгэр, Дьокуускайга сылын аайы ыытыллар Кыайыы Оһуокайа үрдүк таһымнаахтык буолла.
Быйыл Арассыыйа үрдүнэн Кыайыы 80 сылыгар аналлаах Оһуокайы өрөспүүбүлүкэтээҕи Оһуокай түмсүү (бэрэссэдээтэл А.Д.Данилов) мэлдьи да буоларын курдук үрдүк таһымнаахтык ыытта.
14 чаастан 18 чаас 20 мүнүүтэҕэ диэри тохтоло суохтук ааста. Онон куорат олохтоохторо астына түһүлгэҕэ оһуокайдаатылар. Аар Дархан этээччи С.И.Черноградскай, Дархан этээччилэр Р.Е.Гаврильев, В.Хорунов, М.Николаева уонна барыта сүүрбэттэн тахса этээччи эттэ. Кинилэр ортолоругар үтүөлээх этээччилэр, эдэр ыччаттар. Кыайыы 80 сылын уруйдаан түһүлгэни таһаардылар. Оһуокайдьыттартан икки этээччи аҕалара уоттаах сэрии кыттыылаахтара буолаллар. Ол курдук, Сунтаар Түбэй Дьаарханыттан төрүттээх А.Герасимова уонна Хороттон төрүттээх М.Николаева аҕалара уоттаах сэрии саҕаланыаҕыттан бүтүөр диэри Ийэ дойдуларын көмүскээбиттэрэ.
Оһуокай түмсүү салайааччыта А.Д.Данилов Оһуокай түмсүү Кыайыы Оһуокайын тэрийээччилэргэ А.Тарскайга, СӨ култууратын үтүөлээх үлэһитигэр И.Абрамоваҕа, Дархан этээччи М.Николаеваҕа тэрээһиннээхтик ыыппыттарыгар махтанна. Күммүт чаҕылыччы тыган,сайыҥҥылыы ыраас күн турда.
Марта Николаева.
Ааспыт нэдиэлэҕэ өрөспүүбүлүкэҕэ уонна Донааҕы Ростовка госпиталларга байыаннай дьайыы кыттыылаахтарыгар, кинилэр дьиэ кэргэттэригэр, уопсайа 180…
Уус Алдан улууһун Дүпсүн нэһилиэгин олохтоохторо, чуолаан "Сардаҥа" оҕо уһуйаанын иитиллээччилэрэ уонна үлэһиттэрэ Дьокуускайга уонна…
Өрөспүүбүлүкэтээҕи харах килиниичэскэй балыыһатын кылаабынай бырааһа Иван Луцкан Арассыыйа Бэрэсидьиэнин Ыйааҕынан Пирогов уордьанын ылар чиэскэ…
Үөрэх уонна билим миниистирэ Нюргуна Соколова суруналыыстары кытта көрсөн ааһан эрэр сыл барыллаан түмүгүн кэпсээтэ,…
Дьокуускайга "Дохсун" успуорт комплексыгар СӨ физическэй култууратын уонна успуордун министиэристибэтин түмүктүүр тэрээһиннэрэ саҕаланнылар. Ону сэргэ,…
Сааһырбыт киһи доруобуйатын күннэтэ көрүнэр, чэбдигирдэр буоллаҕына, уһуннук доруобай, чөл туруктаах сылдьыан сөп. Сааһырбат дьоҥҥо…