Болуоссакка оҕо эчэйбитинэн бэрэбиэркэ ыытыллыаҕа

СӨ Баһылыгын дьыалаларын управлениета уонна СӨ Бырабыыталыстыбата Дьокуускайга Өрөспүүбүлүкэ болуоссатыгар оҕо эчэйбит быһылаанынан маннык иһитиннэрэр:

«Бу архитектурнай эбийиэк аһаҕас уонна дьоҥҥо кутталынан суоһаабат эрэсиимнээхтик үлэлир.

Фонтан үлэлиирин хааччыйар тимир конструкциялардаах. Оттон болуоссакка сынньалаҥ кэмигэр төрөппүттэр уонна эппэкииннэр сааһын ситэ илик оҕолорун хонтуруоллуохтаахтар.

Чугаһынан кэмҥэ тахсыбыт быһылаанынан бэрэбиэркэ ыытыллыаҕа уонна куттал суоһаабатын гына эбии миэрэлэр ылыллыахтара. 

Болҕомтолоох уонна сэрэхтээх буоларгытыгар ыҥырабыт», — диэн иһитиннэриигэ суруллар.