СИА хаартыската
Айсен Николаев сыыһа санаа, толкуй тохтууругар эрэнэрин биллэрдэ.
Дьокуускайга Ленин болуоссатын историческай сорҕото аан дойду пролетариатын сирдьитин аатын илдьэ сылдьар. Бу болуоссат бүддьүөт суотугар өрөмүөннэммитэ, ол иһигэр Ленин пааматынньыга эмиэ өрөмүөннэммитэ. Бу туһунан «Саха» НКИХ Нерюнгритээҕи филиалын эпииригэр КПРФ лиидэрэ Геннадий Зюганов этиитигэр быһааран Саха сирин Ил Дархана Айсен Николаев санаатын үллэһиннэ.
«Мин Саха сирин үгүс олохтоохторун курдук, компартия салайааччыта Саха сиригэр уонна салалтатыгар аадырыстаан этиититтэн хомойобун. Кини эбэтэр туох-ханнык быһаарыылар ылыллалларын өйдөөбөт эбэтэр киниэхэ сыыһа иһитиннэриини биэрбиттэр. Ол гынан баран, таһымнаах салайааччы, информацияны барытын билбэт эбэтэр киниэхэ сыыһа информацияны биэрбит да буоллахтарына, итинник куруубайдык РФ саамай бөдөҥ субъегын, элбэх национальностаах норуотун уонна салалтатын аадырыһыгар, өссө төгүл хатылыыбын, оруо маһы ортотунан, куруубайдык этиэ суохтаах этэ», — диэтэ Айсен Николаев.
«Уопсайынан, болуоссат аатын ким да уларыппат. Өрөспүүбүлүкэ суотугар чөлүгэр түһэриллибит болуоссат историческай чааһа, урукку аатынан хаалар. Владимир Ильич Ленин пааматынньыга өрөспүүбүлүкэ бүддьүөтүн суотугар чөлүгэр түһэриллибитэ уонна аҥардас ону чөлүгэр түһэриигэ 60 мөлүйүөн солкуобай ороскуоттаммыта.
Владимир Ильич Өрөспүүбүлүкэ болуоссатын диэки ыйан турар. Бу саҥа, аныгылыы оҥоһуулаах болуоссат. Итиэннэ, мин санаабар, 2022 сыллаахха 100 сыллаах үбүлүөйүн бэлиэтээбит Сахабыт сирэ Өрөспүүбүлүкэ болуоссата диэн ааттанарыгар сөптөөх.
Байыаннай дьайыы кэмигэр Саха сирин тыһыынчанан дьоно хорсуннук-хоодуоттук Ийэ дойдуларын көмүскүүллэр, уонунан тыһыынча киһи тыылга, биһиги барыбыт уопсай Кыайыыбытын чугаһатар туһугар үлэлиир. Саха сиригэр 10 Арассыыйа Дьоруойа баар. Биһиги элбэх омуктаах норуоппутугар аадырыстаан араастык саҥаралларын кимиэхэ да көҥүллээбэппит Өскөтүн кинилэр чахчы элбэх национальностаах дойду биир сомоҕо буоларын туһугар кыһанар буоллахтарына, биһиги бары уопсай Кыайыы туһугар түмсүөхтээхпитин өйдүөхтэрэ», — диэтэ Ил Дархан.
Ил Дархан Айсен Николаев өрөспүүбүлүкэ терроризмы утары охсуһар хамыыһыйатын уонна суһал ыстаап холбоһуктаах мунньаҕын ыытта.…
Виктория Семенова унтуу тикпитэ сүүрбэччэ сыл буолбут. Бэйэтэ этэринэн, бу сыллар тухары 50 тыһыынчаттан тахса унтууну…
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…