Хаартыска sakha.gov.ru ылылынна
Үөһээ Бүлүү улууһугар Боотулууга умнуллубат бэлиэ күн буолла. Н.Золотарев аатынан саҥа оскуоланы үөрүүлээх быһыыга-майгыга астылар. Бу кыһа 105 үбүлүөйдээх сылыгар сүдү бэлэҕинэн буолар.
Күүтүүлээх бэлиэ күннэринэн олохтоохтору СӨ үөрэх уонна билим миниистирэ Нюргуна Соколова эҕэрдэлээтэ, үөрэнээччилэр үрдүк ситиһиилэрин бэлиэтээтэ.
«БКЭ, ОГЭ туттарыы уонна орто анал, үрдүк үөрэххэ киирии түмүктэринэн, оскуола көрдөрүүтэ сыл ахсын үчүгэй буолар. 2020 сыллаахха оскуоланы бүтэрээччилэртэн биир үөрэнээччи БКЭ литератураҕа 100 баалы ылбыта. Маннык көрдөрүүлэр оскуола уонна педагогическай кэлэктиип ситиһиилээх үлэлэрин үрдүк таһымын туоһутунан буолаллар», — диэн бэлиэтиир кини.
Уопсайа 165 миэстэлээх, икки мэндиэмэннээх таас оскуола оҕолор үөрэнэллэригэр, билиини-көрүүнү ылалларыгар наадалаах тэрилинэн хааччыллыбыт. Оскуола уопсай иэнэ 3 тыһ. кв.м. тахса. Тэрилинэн хааччыллыбыт сүүрбэ аудитория, бибилэтиэкэ, медпуун, остолобуой, аактабай саала, успуорт саалата, уо.д.а. бааллар.
«Үөрэх дьыла саҥа, киэҥ-куоҥ, сырдык оскуолабытыгар саҕаланна. Быйыл биһигини ураты сэргэх, умсугутуулаах, интэриэһинэй уруоктар, дьарыктар күүтэллэр«, — диэн 11 кылаас үөрэнээччитэ С.Егорова үөрүүтүн үллэстэр.
Үөрэх кыһата Үөһээ Бүлүү улууһун бүддьүөтүн суотугар тутуллубут. Кыһа оҕолор үөрэнэр усулуобуйаларын тупсарыыга туһуланар.
СӨ Ил Дарханын уонна Бырабыыталыстыбатын пресс-сулууспата
Ыраастааһын Сылгы сиэлин сэлээн баран, биир да мутуга суох ыраас синньигэс талаҕынан эбэтэр маһынан тэбиибит,…
«Аҕа дойдуну көмүскээччилэр» пуонда көмөтүнэн, байыаннай эпэрээссийэ бэтэрээннэрэ оҕолору уонна ыччаты патриотическай иитиигэ көхтөөхтүк кытталлар.…
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …
Муниципальнай тэриллиилэр бэрэстэбиитэллээх уорганнарын дьокутааттарын сийиэһин чэрчитинэн тыа хаһаайыстыбатын, Арктика түөлбэтин, экологияны, хомунаалынай хаһаайыстыбаны судаарыстыбаннай…