Өрөспүүбүлүкэтээҕи “Боотур” баҕа өттүнэн кыттааччылар этэрээттэрин байыастарын байыаннай эпэрээссийэҕэ атаардылар. Этэрээт кыттыылаахтара бэлэмнэниини ситиһиилээхтик аастылар.
Байыастарга анаан алгыс тыллары СӨ Ил Дарханын уонна Бырабыыталыстыбатын дьаһалтатын салайааччыта Георгий Михайлов, Бырабыыталыстыба чилиэннэрэ уонна норуот дьокутааттара эттилэр.
“Дьиэҕитигэр-уоккутугар доруобай уонна этэҥҥэ эргиллэргитигэр баҕарабыт. Эһиги курдук патриот дьонноох дойду кыайарбытыгар эрэллээхпит! Сулууспалыыр кэмҥитигэр дьиэ кэргэҥҥитигэр долгуйбаккыт туһугар услуобуйаны тэрийэргэ кыһаллыахпыт”, — диэн Георгий Михайлов эттэ.
Байыаннай эпэрээссийэҕэ баҕа өттүнэн кыттыылаахтары бэлэмниир киин, өрөспүүбүлүкэ араас муннуктарыттан байыаннай эпэрээссийэ сиригэр сулууспалаабыт уонна дойдуларыгар төннүбүт 500-тэн тахса байыаһы бэлэмнээбитэ. “Байыаннай эпэрээссийэ баҕа өттүнэн кыттааччылары бэлэмниир киинэ сааны-саадаҕы хайдах сөпкө туттарга, кыргыһыы сатабылыгар, кыргыһыыга бэлэмнэниигэ, бастакы көмөнү оҥорорго, бааһырбыт дьону кутталлаах сиртэн көһөрөргө үөрэтэр. Бэлэмнэнии икки ый барар, күүстээх эрчиллии эмиэ киирэр”, — диэн “Боотур” баҕа өттүнэн кыттааччылар этэрээттэрин үөрэҕин киинин салайааччыта Николай Мартынов кэпсиир.
Ил Дархан уонна Бырабыыталыстыба пресс-сулууспата.
Саха сирэ “Дьоҕус уонна орто биисинэс уонна урбаанньыт тус көҕүлээһинин өйөөһүн” национальнай бырайыакка 2019 сылтан…
Сана үйэҕэ эргиэн үлэтигэр саҥа саҕалааһыннар кэрэхсэбиллээхтэр. Урукку кэмҥэ атыы-тутуу, эргиэн эйгэтигэр "Холбос" биир тэрилтэтэ…
«Оҕо аймаҕы үрдүккэ, сырдыкка, төрөөбүт дойдуга бэриниилээх буоларга сирдээбит "Мэлдьи бэлэм буол!" диэн тумус тыллаах…
Ыам ыйын 15 күнүгэр Дьиэ кэргэн аан дойдутааҕы күнүн бэлиэтээтибит. Онон бүгүн айанньыт, орнитолог, фотограф,…
Нам улууһугар Арбын уонна Түбэ сэлиэнньэлэрин икки ардыларыгар муус дьапталҕатын эстэрии ыытыллыбыта түмүктэри аҕалла. Онно…
Психолог сүбэтэ Ксения Ивашковская – Психоневрология өрөспүүбүлүкэтээҕи диспансерын килиниичэскэй психолога, дьиэ кэргэн психолога, консультант,…