«Боотур» доброволецтар этэрээттэрин хамандыыра училище устудьуоннарын кытары көрүстэ

Александр Колесов Дьокуускайдааҕы гражданскай авиация техническэй училищетын курсаннарын кытары көрүстэ.

А.Е.Кулаковскай аатынан норуоттар доҕордоһууларын дьиэтин генеральнай дириэктэрин бастакы солбуйааччы, «Боотур» доброволецтар этэрээттэрин хамандыыра Александр Колесов Дьокуускайдааҕы гражданскай авиация техническэй училищетын курсаннарын кытары көрүстэ.

Көрсүһүүгэ Александр Гаврильевич байыастар сулууспаларын, олохторун-дьаһахтарын туһунан кэпсээтэ. Саллааттар дьоруойдуу быһыыларын сырдатта. Устудьуоннар уонна преподавателлэр ыйытыыларыгар хоруйдары биэрдэ.

«Саха сирин байыастара хорсуннарынан-хоодуоттарынан уруккуттан биллэллэр.  Туруоруллубут соругу чиэстээхтик толороллор», — диэтэ көрсүһүү  түмүгэр.

А.Е.Кулаковскай аатынан норуоттар доҕордоһууларын дьиэтин пресс-сулууспата.

Хаартыска А.Аргунова түһэриитэ