Анал байыаннай эпэрээссийэҕэ баҕа өттүнэн барбыт Пижон диэн аатынан биллэр биир дойдулаахпыт билигин бааһыран, Арассыыйа биир госпиталыгар эмтэнэ сытар. Кини СИА-ҕа биэрбит интервьютуттан кылгатан таһаарабыт.
Байыаннай сулууспалаах Пижон номнуо хаһыс да сылын хантараагынан сулууспалыыр. Кини байыаннай эпэрээссийэҕэ туох санааттан барарга санаммытын туһунан кэпсээтэ.
— Аармыйа кэккэтигэр 2003-2005 сылларга сулууспалаабытым. Ол кэннэ, 2009 сыллаахха, хантараагынан сулууспалыы барбытым. Сэттэ ый устата Кавказка сылдьыбытым. Итиннэ бойобуой уопуту ылбытым. Байыаннай буолар санаа дьиҥэ суоҕа. Ол эрээри олох оҥоһуута маннык суолунан ыыттаҕа. Байыаннай эпэрээссийэҕэ өй-санаа күүһүнэн барарга быһаарыммытым. Мин «Боотур» бөлөх бастакы этэрээтигэр баарым. Кыһын хайдах эрэ түргэн соҕустук кыайыахпыт дии саныырым. Сааһыары балаһыанньа уустугуран барбыта. Онон көмөлөһүөххэ наада диэн санаа киирбитэ. Хантараагынан сулууспалыы бараары гыммыппар быраастар хамыыһыйалара миигин доруобуйабынан сыыйбыта. Ити кэмҥэ Александр Колесов баҕалаахтары хомуйар үһү диэн сураҕы истибитим. Онно быраас эҥин хамыыһыйата суох тута ылаллар. Дьиэ кэргэним быһаарыныыбын өйөөбүтэ.
— Украинаҕа сэрии ахсыс сылын барар. Атаҕым иҥиирин бааһырдан эмтэнэ киирбитим. Онно сытан Луганскай уолун кытта билсибитим. Ол уол 2014 сылтан сэриилэһэр. Байыаннай эпэрээссийэҕэ сылдьан дьоммун-сэргэбин, дьиэбин саныы сатаабат этим. Туруоруммут сыалы ситиһэр эрэ санаалааҕым. Тоҕо эрэ өлөртөн олох куттаммат этим. Туохтааҕар да эчэйииттэн, бааһырыыттан уонна билиэн түбэһэртэн куттанарым. Киһи куттанарын кыайыахтаах. Биирдэ бойобуой дьайыыга сылдьан баран, киһи иккистээн барыан баҕарар. Судаарыстыба көмөтө үрдүк таһымнааҕын бэлиэтиэм этэ.
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…