“Боотур” өрөспүүбүлүкэтээҕи баҕа өттүнэн кыттар этэрээт байыастара анал байыаннай эпэрээссийэ ыытыллар сиригэр бардылар. Байыастары ыраах айаҥҥа Ил Дархан уонна Бырабыыталыстыба дьаһалтатын салайааччыта Георгий Михайлов уонна өрөспүүбүлүкэ бырабыыталыстыбатын чилиэннэрэ алҕаатылар.
Байыаннай дьайыы бэтэрээннэрэ “Боотур” этэрээт бастакы састааба хорсуннук уонна сатабыллааҕын көрдөрбүтүн бэлиэтээтилэр. Бүгүн дойдуларын көмүскүү аттанар этэрээт бойобуой албан ааттаах үгэһин уонна бары Саха сирин буойуннарын, Аҕа дойду Улуу сэриитин кыттыылаахтарын, Афганистаҥҥа Сэбиэскэй сэриилэр хааччахтаммыт контингеннарын бойобуой албан ааттаах үгэстэрин салгыахтара диэн эрэнэллэрин биллэрдилэр.
“Эһиги бары “Боотур” кииҥҥэ бэлэмнэниини аастыгыт уонна үөрэтии кэмигэр түмүстүгүт. Аҕа дойдугутугар сулууспаҕыт кэмигэр бары убай-быраат курдук сылдьаргытыгар бу олус суолталаах. Саха сирин Бырабыыталыстыбата байыаннай эпэрээссийэ бары кыттыылаахтарыгар уонна кинилэр дьиэ кэргэттэригэр көмөнү салгыы оҥоруоҕа. Өрөспүүбүлүкэ Ил Дарханын ыйааҕынан билигин өйөбүл саҥа көрүҥнэрэ торумнаналлар”, — диэтэ Георгий Михайлов.
“Боотур” этэрээт хамандыыра Александр Колесов бойобуой дьайыылар бэтэрээннэрэ уонна уопуттаах байыаннай инструктордар баҕа өттүнэн барааччылары дьарыктаабыттарын туһунан этэ.
“Боотур” бэлэмнэнии киинигэр баҕа өттүнэн кытта барааччылары икки ый устата сааны-сэби туһаныыга, тактикаҕа, бааһырбыттарга бастакы көмөнү оҥорууга, эчэйбиттэри таһаарыыга үөрэттилэр. Биһиги байыастарбыт үчүгэй экипировкалаахтар, Аҕа дойдуларын көмүскүүргэ бэлэмнэр уонна күүстээх санаалаахтар”, — диэн бэлиэтээтэ кини.
Тэрээһиҥҥэ “Боотур” этэрээт байыастарыгар, анал байыаннай эпэрээссийэ кыттыылаахтарыгар Саха сирин судаарыстыбаннай наҕараадаларын туттардылар.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Мария Васильева, СИА
Үөһээ Бүлүү улууһун Баҕадьа сэлиэнньэтигэр оскуола-саад үлэҕэ киирдэ. Бүгүн өрөспүүбүлүкэ үрдүнэн тоҕус социальнай эбийиэк аһылынна.…
Үрдүк үөрэхтэргэ уонна кэллиэстэргэ Биир кэлим эксээмэни туттарбакка үөрэххэ киирии туһунан сокуон барылын дьокутааттар бөлөхтөрө…
Амма улууһун Михайловка сэлиэнньэтигэр Норуот айымньытын дьиэтэ үөрүүлээх быһыыга-майгыга аһылынна. Бүгүн өрөспүүбүлүкэ үрдүнэн тоҕус социальнай…
Ленскэй оройуонунааҕы ИДьМ дьуһуурунай чааһыгар маркетплейс бэрэстэбиитэлиттэн сайабылыанньа киирбит. Инвентаризация кэмигэр табаары биэрэр пуунтан 300…
Оҕуруоту, сибэккини олордууга сүбэлэр Сүрүннээн тохсунньуттан үүнээйини олордуу саҕаланар. Арктикатааҕы судаарыстыбаннай агротехнологическай университет ойуур комплексыгар…
Дьокуускайдааҕы ИДьМ салаатыгар дьахтар балыыһаҕа сылдьан тас таҥаһын уордарбытын туһунан иһитиннэрбит. Бу туһунан СӨ ИДьМ…