Хаартыска И.П.Черкашин тиксэриитэ
Бэҕэһээ “Боотур” баҕа өттүнэн кыттааччылар этэрээттэрин 40 байыаһын байыаннай дьайыыга атаардылар. Этэрээт байыастара балтараа ыйдаах бэлэмнэниини ситиһиилээхтик аастылар.
«Боотурдар» сааны-саадаҕы хайдах сөпкө туттарга, кыргыһыы сатабылыгар, кыргыһыыга бэлэмнэниигэ, бастакы көмөнү оҥорорго, бааһырбыт дьону кутталлаах сиртэн көһөрөргө үөрэтэр анал бэлэмнэниини аастылар.
Бэлиэтээн эттэххэ, хаһыс да сырыыларын барар дьон, сорохтор иккистээн, үһүстээн барааччылар да бааллар.
Байыастарга анаан алгыс тыллары СӨ Ил Дарханын уонна Бырабыыталыстыбатын дьаһалтатын салайааччыта Георгий Михайлов эттэ. Ону тэҥэ байыастары Өрөспүүбүлүкэтээҕи федеральнай иниспиэктэр Евгений Корнеев, норуот дьокутаата, байыаннай дьайыы бэтэрээнэ Василий Егоров, Байыаннай дьайыы бэтэрээннэрин ассоциациятын бэрэссэдээтэлэ Иван Черкашин, Саллааттар ийэлэрин кэмитиэтин салайааччыта Мария Емельянова, Афганистан сэриитин кыттыылаахтара — интернационалист буойуттара Валерий Лютай, Николай Гребенников, о.д.а. кэлэн атаардылар.
Тыл эппит дьон байыастарга бэйэлэрин харыстана, биир дойдулаахтарын көрө-истэ сылдьалларыгар, тыыннаах уонна кыайыылаах төннөллөрүгэр баҕардылар.
Байыастары кинилэр чугас дьонноро, анал байыаннай дьайыыттан кэлбит байыастар атаардылар.
“Боотур” баҕа өттүнэн кыттааччылар этэрээттэрин 40 байыаһа бүгүн күнүс анал байыаннай дьайыыга кытта көттө.
Бүлүү улууһун урбаанньыттара элбэх оҕолоох ыалларга, анал байыаннай эпэрээссийэ кыттыылаахтарын оҕолоругар Саҥа дьыллааҕы бэлэхтэри туттарар…
Ахсынньы 28 күнүгэр олохтоох бириэмэнэн 22:18 чааска «Восточнай» космодромтан «Союз-2.1б» аракыата көтөн, тобохторо Саха сирин…
Дьокуускай куоракка оперативниктар таҥаһы-сабы атыылыыр туһунан сымыйа биллэриини таһааран түөкүннээһиҥҥэ уорбаланар киһини туттулар. Ол курдук…
Ахсынньы 22 күнүгэр Саха Өрөспүүбүлүкэтин доруобуйатын харыстабылын устуоруйатыгар киирэр кэрэ-бэлиэ түгэн үүннэ. Ол эбэтэр Үөһээ…
Саха сирин амарах, үтүө санаалаах дьоно тиһигин быспакка анал байыаннай дьайыыга сылдьар, госпиталларга сытар биир…
Мэҥэ Хаҥалас улууһугар Аллараа Бэстээх сэлиэнньэтигэр учаастактааҕы балыыһа үөрүүлээх аһыллыыта буолла. 1200 кв. миэтэрэттэн тахса…