Аҕа дойду Дьоруойдарын күнүгэр “Боотур” этэрээт бирииһигэр Ыччат спартакиадата буолла. Күрэхтэһиигэ 20 улуустан, куораттан 300 кэриҥэ ыччат кыттар. Кинилэр алтынньы 29-сэтинньи 27 күннэригэр спартакиада бастакы түһүмэҕэр дойдуларыгар күрэхтэһэн, талыллан кэлбиттэрэ.
— Биһиги сорукпут – өрөспүүбүлүкэ ыччата спортивнай, култуурунай, о.д.а. тэрээһиннэргэ көхтөөхтүк кыттан, чөл олохтоох, дойдубут духуобунай, сиэр-майгы өттүнэн сыаннастарын тарҕатарга бэлэмнээх буоларын ситиһиэхтээхпит, — диэн Ил Дархан Айсен Николаев этэр.
Икки күн устата ыччаттар спорт 5 көрүҥэр күрэхтэһэллэр: баскетболга, буулдьанан ытыыга, сахалыы остуол оонньууларыгар, байыаннай эстафетаҕа, ханааты тардыһыыга. Түмүк бүгүн биллэр.
Спартакиада аһыллыытыгар бырабыыталыстыба бэрэссэдээтэлин солбуйааччы Сергей Местников эҕэрдэлээтэ, байыаннай дьайыылар бэтэрээннэригэр уонна анал байыаннай эпэрээссийэ кыттыылаахтарыгар “Саха АССР 100 сыла” үбүлүөйдээх бэлиэлэри туттарда.
Ону тэҥэ, Сэбиэскэй Сойуус Дьоруойа Федор Попов аатынан “Патриот сүрэҕэ” бочуоттаах бэлиэнэн байыаннай дьайыылар бэтэрээннэрэ уонна анал байыаннай эпэрээссийэ кыттыылаахтара Владимир Островский, Сергей Храмов, Алексей Есипенко, Ил Дархан Хоһуун Уола, Сергей Васильев наҕараадаланнылар.
Мустубут ыччаты “Боотур” этэрээт хамандыыра Александр Колесов, ыччат дьыалаларыгар уонна социальнай коммуникацияларга миниистир Петр Шамаев, физкултуура, спорт миниистирэ Леонид Спиридонов, Саха сиринээҕи бойобуой дьайыылар бэтэрээннэрин ассоциациятын бэрэссэдээтэлэ Иван Черкашин эҕэрдэлээтилэр.
Таатталар «Манчаар онньууларын» кэмигэр "Тааттаҕа оҥоһулунна" диэн анал быыстапканы тэрийдилэр. Бу туһунан Дьокуускай куорат олохтооҕо…
Балыксыт күнүн көрсө СӨ Тыатын хаһаайыстыбатын уонна ас-үөл бэлиитикэтин Хоту дойду төрүт салааларын сайыннарыыга уонна…
Госдуумаҕа «Сиэрдээх Арассыыйа— Кырдьык иһин» фракциятын дьокутааттара үлэ миниистирэ Антон Котяковка этии ыыттылар. Бэлиитиктэр сиэннэрин…
Арассыыйаҕа 60-тан үөһэ саастаах суоппардарга сыһыаннаах быраабылалары кытаатыннарарга этии киллэрдилэр. Бу туһунан 2030 сылга диэри…
Таатта улууһугар Ытык Күөлгэ "Манчаары оонньууларынан" бүгүн ыытыллыбыт хотугу дэгит күрэс кыайыылаахтара быһаарылыннылар. Хотугу дэгит…
РФ Үөрэҕириитин уонна билимин министиэристибэтигэр иһитиннэрбиттэринэн, үрдүк үөрэх саҥардыллыбыт тиһигин киэҥник киллэрии 2027–2028 үөрэх дьылыгар…