Кэнники кэмҥэ ɵбүгэ оонньуутун оскуола оҕолоругар, уһуйаан иитиллээччилэригэр араас ньыманан дьарыктыыллар.
Сунтаар нэһилиэгин «Кыталык» уһуйаанын эти-сиини эрчийэр инструктора Павел Павлов «Боотурдар оонньуулара» диэн күрэс былдьаһыытын остуол оонньуута оҥорбут.
Павел Павлов — Тааттаттан тɵрүттээх. Кини 2016 сыллаахха биһиги дойдуга ЯПК-ны бүтэрэн ананан кэлэн, кэргэнэ Надеждалыын «Кыталык» уһуйааҥҥа үлэлииллэр. Эти-сиини эрчийэр инструктор дьарыгар сүүстэн тахса оҕо сылдьарыттан хас биирдии иитээччитин ааттарын чуо билэрэ сɵхтɵрɵр.
Байбал хас биирдии дьарыга сахалыы тыыннаах, ɵбүгэ оонньуутун ɵрɵ тутан сүүрдэр, ыстаҥалатар, маамыкта бырахтарар, наарта ойдорор. Ону кытта тɵрдүс сылын улууска «Боотурдар оонньуулара» диэн кырачааннарга күɵн күрэһи тэрийэн ыытар.
Соторутааҕыта «Боотурдар оонньуулара» диэн барылын аны остуол оонньуута оҥорон, тобулан киэҥ биһирэбили ылан эрэр. Холобур, ааспыт сыл түмүгэр өрөспүүбүлүкэтээҕи «Эр киһи иитээччи» пуорумугар бу айымньылаах үлэни олус сэргээн бастыҥ үлэлээх ааттааммыта.
Уһуйаан бу айар үлэтин патеннатан тарҕатар баҕалаах. Кырачааннар да, улахан да дьон бу оонньууну олус сэргээн, 26 сɵк. кытта түмүктээбит муҥутуур кɵрдɵрүүлээхтэр.
Мин да бу остуол оонньуутугар холонон астынным. Биэс маамыктаны быраҕан маннык төгүрүк алаас өбүгэ оонньуутун оҕо барыта уханнаан оонньоотун диэн ырабын эттим.
Тускулаана ГОРОХОВА-КОБЕЛЬЯНОВА
Нам улууһун "Маймаҕа нэһилиэгэ” МТ баһылыга Александр Егоров иһитиннэрбитинэн, бүгүн, ыам ыйын 18 күнүгэр, 16:00…
Саха сирин Ил Дархана Айсен Николаев Хэйлунцзян провинциятын губернатора, хотун Лян Хуэйлин кытары оробуочай көрсүһүүтүгэр…
Самаан сайыны көрсө дьон үксэ, сааһыттан тутулуга суох тупсуон, чэгиэнник, кэрэтик көстүөн баҕарар. Уойбут киһи…
Бүгүн, ыам ыйын 18 күнүн түүнүгэр, халаан уутуттан эмсэҕэлиир нэһилиэктэргэ уу киирэн, тиэргэннэри ылан, Нам…
Кутурук иилиммит, сирэйигэр куоска мааскалаах эрдэҕэс саастаах кыыс оҕо оонньуур былаһааккатыгар түөрт атах буолан сылдьарын…
Бэҕэһээ, ыам 17 күнүгэр, Амма улууһугар быйыл ыытыллар Олоҥхо ыһыаҕын тэрийэр кэмитиэт көһө сылдьар сүбэ-мунньаҕа…