Дьааҥы улууһун Суордаах олохтоохторо хомуурга барбыт байыастарга бэйэлэрин кыахтарынан көмөлөспүттэр.
Дьааҥы улууһун Суордаах олохтоохторо өрөспүүбүлүкэ олоҕор-дьаһаҕар көхтөөхтүк кытталлар. Быйыл бэйэлэрэ төһө да ууга баран, улахан кыһалҕаны көрсө сылдьыбыттарын үрдүнэн, тэрээһиннэртэн туора турбаттар. Нэһилиэк олохтоохторо соторутааҕыта 34850 солкуобайы хомуйан, РФ Бэрэсидьиэнин Владимир Путин ыйааҕынан быстах хомуурга барбыт байыастарга анаан итии ис таҥас, атах таҥаһын угуньатын, наскыны, бэргэһэни атыылаһан туттардылар. Харчыны хомуйууга Суордаахтааҕы норуот айымньытын дьиэтин үлэһитэ Анна Стручкова көмөлөстө.
Ол иһин, “Боотур” байыаннай-патриотическай иитии киинин салайааччыта Иван Петрович Черкашин суордаахтарга махтал суругун туттарда.
Дьаһалта баһылыга Владимир Стручков этэринэн, нэһилиэктэн үс эдэр киһи анал байыаннай эпэрээссийэҕэ сылдьар. Игирэ бииргэ төрөөбүт Андрей уонна Аркадий Старостиннар иккиэн баҕа өттүлэринэн, Феофан Чукров анал эпэрээссийэҕэ кытталлар. Старостиннар ийэлэрэ барахсан 8 оҕо ийэтэ, 80 саастаах Александра Михайловна уолаттарын алгыы хаалаахтаабыт. Хомойуох иһин, Андрей Старостин миинэҕэ түбэһэн, Санкт Петербурга госпитальга эмтэнэ сытар.
Хомуурга ыҥырыллыбыттарга дьаһалта 100 тыһ. солк. көмөнү биэрбит. Нэһилиэк олохтоохторо уолаттар этэҥҥэ эргиллэллэрин күүтэллэр.
Өссө “Суордаахтааҕы норуот айымньытын дьиэтэ “ уонна нэһилиэк дьахталларын сэбиэтэ #МыВместе аахсыйаҕа кыттыһан, дьаарбаҥка тэрийбиттэрэ. Дьаарбаҥкаттан киирбит 8100 солкуобайы Феофан Чукровка ыыппыттар.
Хаартыскалар нэһилиэк дьаһалтатын тиксэриилэрэ
Электронаай табахтан, вейптан аккаастаныы "Давай бросать" диэн марафон саҕаланна. Биир санаалаахтар никотинтан тутулуктаах буолууну бохсорго…
"Буойун" киин «ВОИН.КИНО» бырайыагы билиһиннэрдэ. "Буойун" киин бырабылыанньатын бэрэссэдээтэлэ, Госдума дьокутаата, ЛНӨ дьоруойа Виктор Водолацкай…
Бүгүн үс үллэр үөстээх Өлүөнэ эбэ күнүгэр Хаҥалас улууһун олохтоохторо тахсаннар кытылы бөхтөн-сыыстан ыраастаатылар. …
Түөкүттэр социологическай ыйытыылары биэрбитэ буолан, кэпсэтиннэрэ сатыыллар. Сыаллара-соруктара – куоласкын уһултара охсуу. Ол кэнниттэн эн…
Быйыл олунньуга Нерюнгрига элбэх кыбартыыралаах дьиэ иннигэр муустан халтарыйан, биирдээх оҕотун көтөҕөн испит ийэ охтубут.…
Өҥүрүк куйаас сатыылаан турдаҕына сарсыардаттан куорат тэрилтэлэрин кэрийэн, ыдьырыйа сылайдарбын даҕаны, син наадабын ситэн, дэриэбинэҕэ…