Бу күннэргэ Гуманитарнай чинчийии уонна хотугу аҕыйах ахсааннаах норуоттар кыһалҕаларын институтун күннэрэ Чурапчы улууһугар буолан ааста.
Бу туһунан Чурапчы улууһун култуураҕа управлениетын салайааччыта Петр Гуляев маннык кэпсиир:
— Былырыын СӨ Култуура уонна дохуобунай сайдыы министиэристибэтэ, Чурапчы улууһун дьаһалтата уонна Гуманитарнай чинчийии уонна хотугу аҕыйах ахсааннаах норуоттар кыһалҕаларын институтун салалтата үс өрүттээх Сөбүлэҥ түһэрсибиттэрэ. Бу докумуоҥҥа олоҕуран, Чурапчы улууһугар институт күннэрин ыытыы былааннаммыта. Сүрүн сорук – Чурапчы улууһуттан төрүттээх, биллиилээх саха фольклорун чинчийээччитэ Дмитрий Дьячковскай-Сэһэн Боло — 120, кыраайы үөрэтээччи, этнограф, энтузиаст-фольклорист Андрей Саввин 130 үбүлүөйдээх сылларын бэлиэтээһин.
Гуманитарнай чинчийии институтун учуонайдарын уонна Амма, Таатта улуустарын дэлэгээссийэлэрин кытта «Ботурусский улус с древнейших времён до начала 20 века» диэн кинигэ тахсыытын тула кэпсэттибит. Чурапчы, Амма, Таатта улуустара уруккута биир Боотуруускай улуус буолан, ууһаан-тэнийэн олорбуппут. Онон үс улуус бэрэстэбиитэллэрэ састааптаах хамыыһыйаны тэрийэн, туһааннаах матырыйааллары хомуйан, кэлэр көлүөнэҕэ устуоруйабытын кэпсиир кинигэни таһаарар наадатын өйдөөн, биир сүбэҕэ кэллибит.
Хамыыһыйаны Институт дириэктэрэ, история наукатын доктора Сардана Боякова салайыаҕа. Кинигэҕэ киирэр матырыйаалларын чинчийии, таҥыы үлэтэ 2025-2026 сылларга ыытыллыаҕа. Боотуруускай улуус устуоруйатыгар саҥа докумуоннары булууга Москва, Санкт-Петербург, Иркутскай куораттар архыыптарын кытта ыкса үлэ ыытыллыаҕа.
Хой Элбэҕи былаанныыгын уонна санааҥ күүһүн ситэри тиэрдибэккин. Санааҕын ууран ылыстаххына, үтүө түмүктэри аҕалыаҕа. Ол…
Бүгүн, балаҕан ыйын 19 күнүгэр, Саха сирин үгүс улуустарыгар быстах ардыыра, сорох сирдэринэн инчэҕэй хаар…
Дьокуускайга полиция 3 отделын дьуһуурунай чааһыгар эт-хаан эчэйиитин ылбыт Кангаласс олохтооҕо дьахтартан сайабылыанньа киирбит. Ол…
Бүтүн Арассыыйатааҕы байыаннай-тактическай «Путь воина» күрэхтэһии икки полуфиналын түмүгүнэн Саха сирин уонна Тюмень уобалаһын «ВОИН»…
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…