«Борбуев оһоҕор» Марина Бахилина байыастарга ас астыаҕа

Бу туһунан Саха волонтердара хамсааһын телеграмҥа ханаалларыгар иһитиннэрдилэр.

— Асчыт идэлээх ийэ икки уола анал байыаннай эпэрээссийэҕэ кытта сылдьаллар. Саллаат ийэтэ Марина Бахилина Дьокуускайтан Ростовка тиийэн ас астааччынан бэйэтэ тылланан волонтердуу сылдьар. Сахаволонтердар Москваттан ыыппыт оһохторугар сылаас аһы астаан инники кирбииттэн  киирбит уолаттары аһатыа, күүс-көмө буолуо. «Борбуев оһоҕо» Үөһээ Бүлүү улууһун үөрэх кыһатын үлэһиттэрэ ыыппыт харчыларынан, сахаволонтердарга анаан-минээн атыылаһыллан туттарыллыбыта. Электробилиитэни  Москваттан Ростовка диэри  Муома улууһун баһылыга Дмитрий Аммосов тиэйэн илдьибитэ. Саха сирин олохтоохторо хайдах курдук түмсүүлээхтэрий! Киэн туттабыт!, — диэн Саха волонтердара суруйдулар.