Бордоҥ агро-оскуолата 1500 арассааданы олордубут

Сунтаарга  агро хайысхалаах 7 оскуола үлэлиир. Бордоҥ оскуолатыгар оҕолор үүнээйи олордоллор, ынаҕы, сылгыны кɵрɵллɵр. Бу күннэргэ тэпилииссэҕэ арассаадаларын таһаарбыттар.

Быыкайкаан оҕурсу оҕото быкпыт, помидор эмиэ астаммыт. Бордоҥ оҕолоро учууталларын кытта «балконнай» диэн оҕурсу, помидор кɵрүҥүн үүннэрэн номнуо амсайбыттар. Быйыл оскуола 1500 арассаада арааһын үүннэрэн олордор, сороҕун атыылыыр. Кылаас аайыттан биэстии-сэттэлии оҕо эбиэт кэннэ «Үүнээйи олордуу» диэн эбии дьарыкка сылдьан элбэххэ үɵрэнэллэр. Агро хайысхалаах оскуола «Бизнес инкубатор» диэн барылы үлэлэтэн оҕолор ордук интэриэстээхтик үлэлииллэр. Оскуола өссө ынахтаах, сылгылаах.

Тускулаана ГОРОХОВА-КОБЕЛЬЯНОВА