Борис Грачёв — бастыҥнар ахсааннарыгар
30.01.2023, 11:59
Бөлөххө киир:
Бэҕэһээ, тохсунньу 29 күнүгэр, Дьокуускайга Ил Дархан куубогар эр дьоҥҥо саахымат алтыс туура түмүктэннэ.
СӨ Саахымакка федерацията иһитиннэрбитинэн, Москва уобалаһыттан сылдьар Арассыыйа эдэр гроссмейстера Володар Мурзин уһуйааччытын, Арассыыйа ыччакка сборнайын ыстаарсай тириэньэрэ Михаил Кобалияны (Москва) кытта көрсүһүүтэ тэҥнэһиинэн түмүктэннэ. Бэлиэтээн эттэххэ, кинилэр 5 туур устата турнирнай таблицаҕа иккиэн бастыҥнар этилэрэ. Ол эрээри суукка иһигэр кинилэргэ эр дьоҥҥо Арассыыйа саахымакка куубогын 2022 сыллааҕы лиидэрэ, гроссмейстер Борис Грачёв (Москва) кыттыста. Ааттаах-суоллаах саахыматчыт 6-с туурга Юрий Родионовы (Саха сирэ) хотон, биир очконы бэйэтин туһатыгар ылла. Кинилэр иккиэн уопсайа 5-тии очколаахтар.
Гроссмейстердар Антон Шомоев (Бурятия), Арсений Чумаевскай (Саха сирэ) уонна ФИДЕ маастара Дмитрий Егоров (Саха сирэ) 4,5 очколаахтар. 9 спортсмен 4-түү очколаах. Кинилэр ортолоругар Уһук Илин федеральнай уокуругун дьахталларга чөмпүйүөнэ Евдокия Избекова (Дьокуускай) баар. Кини бэйэтин биир дойдулааҕын, ФИДЕ маастара Айсен Местниковы хоппута. Москва эдэр саахымаччыта Александр Иванов уопуттаах ФИДЕ маастарын Владимир Таппыровы (Дьокуускай) эмискэ хотон, 4-с очкотун бэйэтин туһатыгар суруммута.
Бу туһунан СӨ Аҕа баһылыгын уонна Бырабыыталыстыбатын пресс-сулууспата иһитиннэрдэ.
Анастасия Рыжикова хаартыскаҕа түһэриитэ.
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: