Н.Никанорова ыытта
Бүгүн, ахсынньы 13 күнэ, САССР норуодунай артыыһа, сахалартан бастакынан улуу сирдьит Ленин оруолун саха национальнай тыйаатырыгар толорон, үгүс дьон сэҥээриитин, махталын ылбыт А.Е.Ефремов төрөөбүт күнэ!
Бу күн Мэҥэ Хаҥалас улууһун 2 Наахара нэһилиэгэр артыыс төрөппүт кыыһа, Амма улууһун Чапчылҕан оскуолатын учуутала, СӨ үөрэҕириитин туйгуна, “Методист Якутии” анал бэлиэ хаһаайына Мотрена Афанасьевна Ефремова кыыһа Эльза Васильевна уолунуун, Дыгын оонньууларын муҥутуур кыайыылааҕа, Манчаары оонньууларын саха дэгит көрүҥүн кыайыылааҕа Борис Сдвижков уонна кини кэргэнэ Аина Александровна ыалдьыттаан, истиҥ көрсүһүүнү бэлэхтээтилэр.
Тэрээһиммит артыыс Афанасий Ефремов мусуойугар сылдьыыттан саҕаланна. Кини туттубут малларын, уруһуйдарын, оруолларын конспектарын, тус бэлиэтээһиннэрин, ону тэҥэ Ленин уонна Кыһыл ойуун оруолларыгар үлэлээбитин туоһулуур матырыйааллары сөҕө көрдүлэр. Борис хос эһээтэ гостуруолларга суумкатыгар илдьэ сылдьан дьарыктаммыт гантелларын уонна токуруппут тоһоҕолорун ордук сэргии көрдө.
Онтон Борис Сдвижков оскуола үөрэнээччилэрин кытары көрүстэ, саха дэгит көрүҥнэригэр сатабылын көрдөрдө, сүбэ-ама биэрдэ. Бу тэрээһиҥҥэ Мэҥэ Хаҥалас улууһун саха дэгит көрүҥнэригэр федерациятын солбуйааччы дириэктэрэ Афанасий Павлович Максимов, тириэньэр Темир Абдыкалыевич Сыдыкбеков кыттыыны ыллылар.
Эбиэт кэнниттэн ыалдьыттарбыт нэһилиэнньэни кытары истиҥ көрсүһүүгэ кытыннылар.
Нэһилиэкпит баһылыга Петр Петрович Никитин, нэһилиэкпит дьокутаата Руслан Иванович Никаноров, хаан-уруу аймахтара уонна “Азия оҕолоро” оонньуу кыайыылааҕа, “Манчаары оонньууларын” призера, оскуола президенэ Тимир Луковцев эҕэрдэлээтилэр, махтал тылларын эттилэр. Тэрээһини “Дьэргэлгэн” ансаамбыл (сал. СӨ үөрэҕириитин туйгуна Николай Иванович Никаноров) ырыаларынан киэргэттилэр.
Ийэтэ Эльза Александровна Наахараҕа олоро сылдьыбыт кэмнэрин истиҥник аҕынна. Түмүккэ Борис Сдвижков өбүгэлэригэр, дьонугар-сэргэтигэр махтанна уонна бу ситим быстыбатын, эбии чиҥээн иһиэҕин баҕарда.
Наталья Никанорова
Хаартыскалары: Н.Никанорова ыытта.
Маны туһанан Арассыыйаҕа түөкүттэр сиэри таһынан баран эрэллэр. Куйаар ситимэ киириэҕиттэн бэйэтэ да түргэтээбит, ааһа…
Саҥа сылы көрсө харыйаны туруоруу, дьиэни киэргэтии аҥаардас бырааһынньыкка эрэ бэлэмнэнии буолбатах. Фэн-шуй этэринэн, бу барыта…
Биир үтүө күн маҕаһыыҥҥа бэркэ билэр дьахтарбын көрсө түстүм. Билэр киһи сиэринэн, үөрэ-көтө дорооболоһоору гыммытым,…
Дойду бэйэтэ оҥорон таһаарар аһынан-үөлүнэн хааччынар буоллаҕына, бигэ туруктаах, сарсыҥҥыга эрэллээх, дьоно-сэргэтэ чэгиэн туруктаах буолар.…
Чэпчэтиилээх куортам бырагыраамата 2022 сыллаахха Илиҥҥи экэнэмиичэскэй пуорум үлэтин түмүгүнэн, бэрэсидьиэн Владимир Путин көҕүлээһининэн, олоххо…
Тимир көлө көннөрү айанныыр тэрил буолбатах, үлэни-хамнаһы түргэтэтэр, дьону-сэргэни сибээстиир сүрүн тэрил. Сайын, кыһын буоллун,…