«Бороҕон» айан суола болдьоҕун иннинэ оҥоһуллан бүтүөн сөп

Уус Алдан улууһугар «Куттала суох уонна хаачыстабалаах суоллар» национальнай бырайыагы олоххо киллэрии былаанын толорор сыалтан, «Бороҕон» айан суолун оҥорооччуларга тэтимнэрин түргэтэтэллэригэр сорудахтанна. Ол туһунан бу күннэргэ тырааныспар уонна суол хаһаайыстыбатын миниистирин бастакы солбуйааччы Анатолий Потапов эттэ.

Бу туһунан Саха сирин айан суолларын салалтата иһитиннэрэр.

«Уус Алдан улууһугар биһиги «Куттала суох уонна хаачыстабалаах суоллар» национальнай бырайыактарынан олоххо киирэр эбийиэктэри көрдүбүт. «СУ-77» бэдэрээтчиккэ суолу тутуу үлэтин тэтимирдэригэр соруйдубут», — диэтэ кини.

«Бороҕон» айан суолун 51 уонна 66 км оҥоһулла сылдьаллар. Бүгүҥҥү туругунан, бэдэрээтчик 6 км сирин араҥатын дэхсилээтэ уонна хайыр таастары кытары кумаҕы кута сылдьар. Хантараак быһыытынан, эбийиэк алтынньы 30 күнүгэр туттарыллыахтаах.

«СУ-77» тэрилтэ гендириэктэрин сүбэһитэ Петр Бурнашев бырайыагы бириэмэтигэр, баҕар бодьоҕун даҕаны иннинэ бүтэриэхпит диэн санаалаахпыт диэн бэлиэтиир.