Уус Алдан улууһун киинигэр, Бороҕоҥҥо, Ленин уулуссатыгар хаарбах дьиэттэн көһөрүү бырагырааматынан элбэх кыбартыыралаах дьиэ тутуллан бүтэн үлэҕэ киирэрэ былааннанар.
Кэнники сылга хаарбах дьиэттэн көһөрүү бырагыраамата сөптөөхтүк үбүлэнэр буолан, үлэ тэтимнээхтик баран эрэр. Ил Дархан Айсен Николаев: «Арассыыйа эрэгэйиэннэрин кытары тэҥнээтэххэ, Саха сиригэр хаарбах дьиэттэн көһөрүү бырагыраамата киэҥ хабааннаахтык барар. 2025 с. диэри 1 мөл. кв.м ордук хаарбах туруктаах дьиэттэн дьону көһөрүөхтээхпит, бу — дойду уопсай көрдөрүүтүттэн 9,6 %-ны ылар».
«Олорор дьиэ уонна куорат эйгэтэ» национальнай бырайыак чэрчитинэн, Бороҕон сэлиэнньэтигэр тутуллубут түөрт этээстээх олорор дьиэ уопсай иэнэ 2680 кв. м. Бу күннэргэ хаарбах дьиэттэн көһөөччүлэр сабыс-саҥа, сып-сырдык, таас дьиэҕэ киирэн үөрүөхтэрэ-көтүөхтэрэ турдаҕа. Сотору кэминэн толору хааччыллыылаах, оҥоһуулаах 44 кыбартыыраҕа дьон көһөн киирэн олохсуйуо.
Бу эбийиэк өрөспүүбүлүкэ Госстройнадзорун түмүктүүр бэрэбиэркэтин ааспытын уонна бырайыакка сөп түбэһэрин, докумуону ылбытын туһунан өрөспүүбүлүкэ Тутуутун министиэристибэтэ иһитиннэрдэ.
Билиҥҥитэ судаарыстыбаннай 9 хантараагынан 43 олорор дьиэни атыылаһарга дуогабар түһэрсилиннэ. Санатан этэр буоллахха, Саха сиригэр 25,7 тыһ. киһи 461,7 тыһ. кв.м. хаарбах туруктаах олорор дьиэттэн көһөрүллэрэ былааннанар. Бүгүҥҥү күҥҥэ 20,4 тыһ. киһи эбэтэр 8233 дьиэ кэргэн 374,8 тыһ. кв.м көһөрүлүннэ, ол былаан туолуутун 81 % тэҥнэһэр.
Саҥа дьыл саҕана үгүс хаһаайкалары бырааһынньык остуола долгутар. Саҥа дьыллааҕы салааттар, ас-үөл барыта сыалаах-арыылаах. Бырааһынньык…
Амма улууһун Соморсун нэһилиэгэр кыстык этэҥҥэ ааһа турар. Хаһаайыстыбаларга 468, пиэрмэрдэргэ 359 сылгы эбии аһылыкка…
Бүгүн, ахсынньы 22 күнүгэр, 13:45 чааска Булуҥ улууһун Бороҕон нэһилиэгин баһылыгын солбуйааччы Биир кэлим диспетчер-дьуһуурунай…
Дьокуускай куоракка тымныы күннэр сатыылаан турар кэмнэригэр сылаас тохтобуллар олус суолталаах буоллулар. Ол курдук, маннык…
Булуҥ улууһугар сүппүт үһүс киһини буллулар диэн Булуҥнааҕы ЕДДС иһитиннэрэр диэн СӨ Быыһыыр сулууспата суруйар.…
Оҕо иммунитетын бөҕөргөтөөрү араас сыаналаах йогуртары талабыт. Күөх экрааҥҥа көстөр араас сыаналаах йогуртар хаһааныллар болдьохторо…