Бороҕон – Танда суолун быйылгы өрөмүөнэ саҕаланна

Уус Алдаҥҥа 2025-2027 сылларга оҥоһуллуохтаах Бороҕон – Танда өрөспүүбүлүкэтээҕи суолталаах айан суолугар өрөмүөн  ыытыллар. Үлэ Танда бөһүөлэгин киириитигэр Билир учаастагыттан саҕаланна.

Үс сыл устата өрөмүөннэнэр суол уһуна – 28,3 км. Бу номоххо киирбит Гражданскай сэрии дьоруойа Хабырылла Дьөгүөрэп саҕаттан үгүс көлүөнэ дьон кыһалҕаны көрсүбүт суоллара. Ил Дархаммыт А.С. Николаев сорудаҕынан СӨ тырааныспарга уонна суол хаһаайыстыбатыгар министиэристибэтэ үс сылга былааҥҥа киллэрэн оҥоһуллар буолбутуттан олохтоохтор үөрүүлэрэ улахан. Үлэ тэтимнээхтик барарыттан астыналлар, таһаарыылаах үлэни баҕараллар.

Күн бүгүн суолга погрузчик, экскаватор, икки грейдер, самосвал массыыналар үлэлии кэлбиттэрэ дьон-сэргэ сүргэтин көтөхтө.

Иван Колодезников,

муниципальнай сулууспа бэтэрээнэ, пенсионер.

Хаартыскалар: Иван Колодезников тиксэриилэрэ