Бороҕоҥҥо көҥүл тустууга чемпионат ыытыллыаҕа

Тохсунньу 4-6 күннэригэр Уус Алдан улууһун Бороҕон сэлиэнньэтигэр эр дьоҥҥо көҥүл тустууга биирдиилээн уонна хамаанданан бастыыр иһин өрөспүүбүлүкэтээҕи чемпионат ыытыллыаҕа. Онтон тохсунньу 11-12 куннэригэр манна 16-17 саастаах оҕолор күрэхтэһиэхтэрэ. 

Ил Дархан Айсен Николаев уурааҕынан, 2024 сылга Николай Тарскай 100 сааһыгар аналлаах үбүлүөйдээх тэрээһиннэр ыытыллаллар.

Чемпионат Арассыыйа бэрэсидьиэнэ Владимир Путин көҕүлээбит «Демография» национальнай бырайыак  «Спорт — норма жизни» федеральнай бырайыагын чэрчитинэн тутуллубут элбэх хайысхалаах саҥа успуорт комплексыгар буолуоҕа.

Эр дьоҥҥо бастыҥнары 57, 61, 65, 70, 74, 79, 86, 92, 97 уонна 125 киилэ диэри ыйааһыннарга быһаарыахтара. Онтон оҕолорго — 42, 45, 48, 51, 55, 60, 65, 71, 80, 92 и 110 киилэ ыйааһыннарга.

Күрэхтэһиини НКИХ «Саха» уонна «Мамонт-ТВ» ханаалларга көрдөрүөхтэрэ.