Уус Алдан улууһун киинигэр – Бороҕоҥҥо “Восток 1” диэн автоматизированнай хочуолунай үлэҕэ киирэн, «Восток» уонна «МСШ-2» диэн икки эргэ хочуолунайы солбуйда. Бу 18 МВт кыамталаах саҥа хочуолунайга быдан аҕыйах чох баранар, олорор дьиэлэри, социальнай эбийиэктэри сылытар.
Бу “ОДьКХ” унитарнай тэрилтэ биир саамай улахан эбийиэгэ буолар. Хочуолунай автоматизированнай, ол эбэтэр, көмпүүтэринэн салаллар. Эбийиэги тутарга ОДьКХ-ны саҥардыыга көмөлөһөр пуонда үбүлээтэ.
— Хочуолунайы тутуу былырыын саҕаламмыта уонна кылгас кэм иһигэр тутуллан киирдэ. Анал тэрилэ аныгы ирдэбиллэргэ эппиэттиир. Онон сэлиэнньэни сылааһынан хааччыйыыга уонна тэрилтэ экэниэмикэтигэр ол барыстаах буолуоҕа. ОДьКХ-ны саҥардыыга көмөлөһөр пуондаҕа, ОДьКх министиэристибэтигэр, “ОДьКХ” тэрилтэҕэ, муниципальнай былаас уорганнарыгар уонна бэдэрээтчиттэргэ, тутааччыларга махталбын биллэрэбин, — диэн бырабыыталыстыба бэрэссэдээтэлин солбуйааччы Дмитрий Садовников эттэ.
“ОДьКХ” тэрилтэ дириэктэрэ Виталий Чикачев эппитинэн, бу хочуолунай ньиэп оттугуттан чоххо көһөн, биир сыл иһигэр 80 мөлүйүөн солкуобайы кэмчилиэҕэ. Автоматизациялаах буолан, чоҕу туттуута эмиэ аҕыйыыр.
-Бу үлэни салҕаан, “Запад-1” уонна “Запад-2” автоматизированнай хочуолунайдары киллэриэхпит. Олор эргэ хочуолунайдары солбуйан, уматыкка-энэргиэтикэҕэ ороскуоту кыччатыахтара, — диэн ОДьКХ-ны саҥардыыга көмөлөһөр пуонда хомунаалынай инфраструктураны саҥардыыга уонна федеральнай бырайыактары арыаллааһыҥҥа департаменын дириэктэрэ Олег Радченко кэпсээтэ.
Өбүгэлэрбит хайдах күн-дьыл буолуон эндэппэккэ билэллэрэ. Айылҕа араас көстүүтүн, оту-маһы, кыылы-сүөлү кэтээн көрөллөрүн туһунан элбэхтэ…
Горнай улууһун Маҕарас сэлиэнньэтин элбэх оҕолоох ыаллара, 34 саастаах Саргылаана уонна Айтал Никаноровтар “Дьиэ кэргэн-2025”…
Сэтинньи 4-6 күннэригэр Дьокуускайга фашизмы утары өрөспүүбүлүкэтээҕи III пуорум буолаары турар. Дьокуускайга "Норуот уонна аармыйа…
Арассыыйа бэрэсидиэньэ Владимир Путин көҕүлээһининэн Саха сиригэр култуура эйгэтэ сайдар. «Симэх» национальнай киин бэрэсидьиэн Гранынан…
А.Е.Кулаковскай-Өксөкүлээх Өлөксөй аатынан норуоттар сомоҕолоһууларын дьиэтигэр "Эйэ туһугар норуоттар сомоҕолоһуулара" Ыччат пуорума буолла. Тэрээһиҥҥэ ыччат…
Бүгүн, сэтинньи 3 күнүгэр, байыаннай дьайыы 25 байыаһын П.Ойуунускай аатынан норуоттар икки ардыларынааҕы аэропорка көрүстүлэр.…