Бороҕоҥҥо улуустааҕы футбол күрэҕэ ыытылынна

Бэҕэһээ, муус устар 30 күнүгэр,  Бороҕоҥҥо «КУБОК ПОБЕДЫ» диэн улуустааҕы футбол күрэҕэ ыытылынна.

Уопсайа 8 хамаанда кыттыыны ылла.

Күрэхтэһии түмүгүнэн бастакы миэстэҕэ  «Олимп» хамаанда, иккискэ Мындааба, үһүскэ Чараҥ хамаандалара таҕыстылар.

Маны таһынан «Лучший вратарь» Сергей Аманатов (Олимп), «Лучший бомбардир»  Данил Пестряков (Мындаба), «Лучший защитник» Спартак Орлов (Чараҥ), «Лучший игрок» Константин Бурнашев (Олимп), «Перспективный игрок» Саша Эмидак (Мындааба оскуолата) буоллулар.

Маны сэргэ Мындааба хамаандатын оонньооччутугар Владимир Орловка улуустааҕы футбол Федерациятын, итиэннэ ДЮСШ хамаандатын оонньооччутугар Михаил Винокуровка «За преданность спорту» анал бириистэр туттарылыннылар.

Күрэх спонсордарыгар ИП Степан Васильевка, ИП Петр Бурнашевка, «Форвард» маҕаһыын салайааччы Николай Даниловка махталбытын тиэрдэбит!

Улуустааҕы спорт, дьиэ кэргэн уонна ыччат политикатын отдела.