Бороҕоҥҥо Успуорт дыбарыаһа аһылынна

Бүгүн Уус Алдан улууһун Бороҕон сэлиэнньэтигэр Н.Н. Тарскай аатынан Успуорт дыбарыаһа үөрүүлээх быһыыга-майгыга аһылынна.

Бу туһунан СӨ успуордун министиэристибэтэ иһитиннэрэр.

Бу 8000 кв.м. иэннээх аныгылыы тутуулаах саҥа успуорт эбийиэгэ «Демография» национальнай бырайыагынан тутулунна.

Элбэх өҥөнү оҥорор успуорт комплексыгар тренажернай саала, үөрэтэр кылаас, саанан ытар хос, эти-хааны чэбдигирдэр уонна илбийэр хос, көрөөччү олорор олбохтоох успуорт саалата, волейбол, баскетбол, уонна мини-футболл хонуулара, уо.д.а баар.

Итини таһынан үрдүккэ ыттар истиэндэ (скалодром), теннистиир, аэробикалыыр уонна чэпчэки атлетиканан дьарыктанар саала бааллар.