Хаартыска: Мария Васильева (СИА)
Сарсын Билии күнүгэр өрөспүүбүлүкэ үрдүнэн элбэх оскуола аанын тэлэччи аһыаҕа. Уус Алдан улууһун Бороҕон сэлиэнньэтигэр Мүрүтээҕи 2 №-дээх саҥа оскуола быйыл үлэҕэ киириэ уонна быйылгы саҥа үөрэх дьылыгар 565 оҕо саҥа кыһа боруогун атыллыа. Кинилэртэн 64 оҕо бастакы кылааска киирэр.
Учууталлар Ил Дарханы кытта көрсүһүүгэ саҥа кыһа үлэҕэ киирэн эрэриттэн олус үөрэллэрин, күүстэригэр күүс эбэрин туһунан санааларын үллэһиннилэр. Айсен Николаев саҥа оскуола кэбиниэттэрин, спортивнай саалатын, остолобуойун уонна аактабай саалатын көрдө-иһиттэ. «Бу саҥа оскуола өрөспүүбүлүкэбит тыатын сиригэр биир саамай улахан кыһанан буолар. Оҕолорбут үөрэнэр усулуобуйаларын тупсарыы салгыы ыытыллыахтаах. Түгэнинэн туһанан, учууталлары барыгытын ис сүрэхпиттэн саҥа оскуола үлэҕэ киирэн эрэринэн эҕэрдэлиибин, үлэҕитигэр үрдүк ситиһиилэри баҕарабын!», – диэн Айсен Николаев эттэ.
Саҥа кыһа 5,8 тыһ. кв м иэннээх, 17 учуобунай кэбиниэттээх, химияҕа, биологияҕа, астрономияҕа уонна физикаҕа аналлаах лабораториялардаах, икки лингафоннай кэбиниэттээх, мастарыскыай, спортивнай уонна гимнастическай саалалардаах, 150 миэстэлээх остолобуойдаах, киэҥ-куоҥ бибилэтиэкэлээх, методическай кэбиниэттээх уонна 270 миэстэлээх аактабай саалалаах.
Санатар буоллахха, Саха сиригэр 2018 сылтан 51 оскуола уонна 70 оҕо саада тутуллан үлэҕэ киирбиттэр. Ону тэҥэ, 57 оскуолаҕа хапытаалынай өрөмүөн ыытыллыбыт. Бу сыл түмүктэниэр диэри барыта 16 оскуола уонна 6 оҕо саада үлэҕэ киириэхтэрэ.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…