Уус Алдан улууһун Бороҕон сэлиэнньэтигэр 2-с нүөмэрдээх оскуолатын үөрүүлээх быһыыга-майгыга астылар.
Үс мэндиэмэннээх, 450 миэстэлээх таас, саҥа оскуола «Үөрэхтээһин» национальнай бырайыак «Аныгы оскуола» бырайыагынан тутулунна. Дьоро тэрээһиҥҥэ СӨ Бырабыыталыстыбатын бэрэссэдээтэлин солбуйааччы Сергей Местников, Ил Түмэн бэрэссэдээтэлин солбуйааччы Александр Жирков, Уус Алдан баһылыга Алексей Федотов, оскуола бэтэрээннэрэ, үлэһиттэр, үөрэнээччилэр, араас сылларга оскуоланы бүтэрбиттэр кытыннылар.
Аҕыс кылаастаах оскуола аан маҥнай 1969 с. аһыллыбыта. Дириэктэринэн Семен Петрович Трифонов, үөрэх чааһыгар солбуйааччынан Василий Иванович Охлопков анаммыттара. Оччолорго 287 оҕо үөрэнэрэ. Билигин оскуола номнуо 506 үөрэнээччилээх.
— «Үөрэхтээһин» бырайыак көдьүүһэ олус улахан. Ол курдук, биһиги сыллата 6 млрд. солк. кэриҥэ харчыны федеральнай бүддүөттэн ылан, оскуола тутуутугар, оскуоланы саҥардыыга ыытабыт. Бүгүн 2-с нүөмэрдээх улуус кырдьаҕас оскуолата хас эмэ сыл тухары эргэ эбийиэктэргэ үөрэнэн, туруорсан, араас бырагыраамаларга кыттыһан, дьэ, 2021 сыллаахха бу оскуола тутулларын туһунан быһаарыы ылыллыбыта. Манна элбэх киһи көмөлөөн үлэлээбитэ. Ил Дархан Айсен Николаев быһаччы быһааран, оскуола тутуутун федеральнай бырагыраамаҕа киллэрэр туһунан илии баттаабыта. Оскуола кэлэктиибэ күүстээх, оҕону иитэргэ-үөрэтэргэ кыһаллар. Оскуола киэҥ билиилээх, бигэ тирэхтээх, олоххо бэлэмнээх дьону иитэн таһаарыаҕа диэн эрэнэбит. Үөрэнээччилэргит төрөөбүт тылларын умнубатыннар», — диэн СӨ Бырабыыталыстыбатын бэрэссэдээтэлин солбуйааччы Сергей Местников эҕэрдэлээн туран, саха тылын кэбиниэтин толору хааччыллар сэртипикээтин бэлэх уунна.
Бу Уус Алдан улууһун биир саамай элбэх үөрэнээччилээх оскуолатынан буолуоҕа. Уопсай иэнэ 5854,87 кв.м. Барыта 17 үөрэнэр кэбиниэттээх, үс лабаратыарыйалаах, мастарыскыайдаах, 270 миэстэлээх аактабай саалалаах, киэҥ-куоҥ бибилэтиэкэлээх, 150 миэстэлээх остолобуойдаах.
Дьокуускайга балаҕан ыйын 21 күнүгэр "Кросс нации" сүүрүү ыытыллыаҕа. Бу туһунан СӨ физическэй култуураҕа уонна…
СӨ Борокуратууратын дааннайынан, ааспыт сууккаҕа Саха сиригэр 11 буруйу оҥоруу тахсыбыт. Дьокуускайга ювелирнай мастарыскыайы халаан,…
Таатта улууһун олохтооҕо Афанасий Лопатин хортуоппуй хостуур тэрили толкуйдаабытын туһунан СИА суруйар. Бу тэрил хортуоппуйу…
СӨ Борокуратууратын дааннайынан, 2024 сыл аҕыс ыйын иһигэр өрөспүүбүлүкэ дьахталлара 1023 буруйу оҥорбуттар, ол иһигэр…
Бүгүн, балаҕан ыйын 19 күнүгэр, Саха сирин хоту, хотугулуу-илиҥҥи, Арктика оройуоннарыгар сорох сиринэн инчэҕэй хаар,…
Саха сирин Бырабыыталыстыбатын бэрэссэдээтэлин бастакы солбуйааччы Дьулустан Борисов Нерюнгри улууһугар оробуочай сырыытын кэмигэр Соҕуруу Саха…