Хаартыска: Мария Васильева (СИА)
Билигин үгүс улуус кииннэригэр элбэх кыбартыыралаах таас дьиэлэри тутуу күүскэ барар. Холобур, Уус Алдан улууһун Бороҕонугар бэрт сотору элбэх кыбартыыралардаах икки таас дьиэ үлэҕэ киириэҕэ.
Бүгүн Ил Дархан Айсен Николаев Уус Алдаҥҥа оробуочай сырыытын кэмигэр, Бороҕоҥҥо 30-туу кыбартыыралардаах, түөртүү этээстээх икки таас дьиэ тутуутун хаамыытын билистэ. Бу эбийиэктэр «Олорор дьиэ уонна куорат эйгэтэ» диэн национальнай бырайыак чэрчитинэн тутуллаллар.
«Тустаах үлэ кыраапык быһыытынан барар. Тутуу үлэтэ 78 %-на кээрэтиллэн турар. Ис үлэни үмүрүтүү, дьиэлэр тэлгэһэлэрин тупсарыы барар. Тутуу матырыйаала барыта аҕалыллан турар. Барыта этэҥҥэ бардаҕына, алтынньыга хаһаайыттар кыбартыыраларын күлүүстэрин тутуохтара», – диэн тутар хампаанньа бэрэстэбиитэлэ иһитиннэрдэ.
«Тас тэлгэһэни, чуолаан дьон сылдьар суолларын, оҕолор оонньуур былаһааккаларын оҥорууга болҕомтолоох буоларгыт ирдэниллэр. Оскуола хаачыстыбалаахтык тутулларын сэргэ олохтоохтор сынньаналларыгар аналлаах сир-уот бары өттүнэн сөптөөх буолуохтаах», – диэн Ил Дархан Айсен Николаев эттэ.
2019-2025 сс гражданнары саахалланар туруктаах дьиэлэртэн көһөрүү бырагыраамаҕа Уус Алдан улууһугар элбэх кыбартыыралардаах 86 дьиэ хапсыбыта. Барыта 1365 киһи саҥа дьиэнэн хааччыллыахтаах.
Суукка иһигэр өрөспүүбүлүкэҕэ икки буруйу оҥоруу тахсыбыта бэлиэтэннэ. Бу туһунан СӨ Борокуратуурата иһитиннэрэр. Дьокуускай куоракка…
Оҕолору анал кириэһилэтэ суох таһыы иһин ыстараап икки бүк кэриҥэ улаатар. Ол курдук, тохсунньу 9…
Бу күннэргэ Тымныы полюһунан аатырар Өймөкөөн нэһилиэгэр туристар үгэс быһыытынан тоҕуоруһа мусталлар. Тымныы хаһаайынын --…
Тохсунньу 8 күнүгэр Мэҥэ Хаҥалас улууһун отделын дьуһуурунай чааһыгар «Халыма» федеральнай суолга суол быһылаана тахсыбытын…
Бүгүн былааннары олоххо киллэрэргэ табыгастаах кэм. Бу күн бэрээдэги, эппиэтинэстээх буолууну ирдиир. Ол эрээри, Ый…
Саха сирин синоптиктарын иһитиннэриитинэн, бүгүн, тохсунньу 10 күнүгэр, өрөспүүбүлүкэҕэ соҕуруулуу-арҕаа, соҕуруу, илин өттүгэр кыралаан хаардыыр,…