Борокуратуура элбэх оҕолоох ийэ босуобуйа ылар быраабын көмүскээтэ

Мииринэй куорат борокуратуурата доруобуйатынан хааччахтаах элбэх оҕолоох ийэ социальнай быраабын көмүскүүр туһунан туруорсуутунан бэрэбиэркэни ыытта. Бу туһунан СӨ Борокуратууратын пресс-сулууспата суруйар.

Силиэстийэҕэ быһаарыллыбытынан, боломуочуйалаах уорган дьахтарга оҕо төрөөһүнүнэн уонна иитиитинэн сибээстээн ый аайы төлөнөр босуобуйаны аныыртан аккаастаабыт.

Аккаас төрүөтүнэн сайабылыанньалаах дьахтар кэргэнэ дохуота суоҕа, ону таһынан дьахтар оҕолоруттан иккитигэр эрэ аҕа буолан, элбэх оҕолоох аҕа ыстаатыһа суоҕа ыйыллыбыт. Бу сокуону кэһии буолар. Итинэн сибээстээн , Мииринэй куорат борокуратуурата суукка ирдэбил киллэрдэ. Борокуратуура боломуочуйалаах уорган быһаарыытын сокуону кэһиинэн ааҕар туһунан уонна сайабылыанньалаахха сайабылыанньа биэрбит күнүттэн саҕалаан босуобуйаны аныырга уонна төлүүргэ эбээһинэстиир туһунан модьуйда. Суут быһаарыыта сокуоннай күүһүгэр киирэ илик.