Борокуратуура эрэ ороостоҕуна хамсыыллар дуо?

Орто Халыма улууһун борокуратуурата доруобуйаларынан хааччахтаах дьон быраабын тутуһууга бэрэбиэркэ ыытта.

Улуус үс инбэлиитэ доруобуйаны чөлүгэр түһэрэр тус бырагыраамаҕа олоҕуран, тиэхиньиичэскэй сириэстибэни көрөр туһунан Арассыыйа биэнсийэ уонна социальнай страховкалааһыҥҥа пуондатын эрэгийиэннээҕи салаатыгар сайабылыанньа суруйбут. Ол эрээри, сокуону кэһэн туран уһун кэм устата тустаах сириэстибэни көрбөтөхтөр.

Борокуратуура ирдэбил суругу ыыппытын кэнниттэн эрэ инбэлиитэр бырааптарын төнүннэрэн, доруобуйаны чөлүгэр түһэрэр сириэстибэнэн хааччыйбыттар. Бу туһунан СӨ борокурартууратын телеграм-ханаалыгар суруйаллар.