Борокуратуура ирдэбилинэн байыаннай дьайыы кыттыылааҕын дьиэнэн-уотунан хааччыллыыга бырааба чөлүгэр түһэрилиннэ

Борокуратуура байыаннай дьайыы кыттыылааҕын үҥсүүтүнэн бэрэбиэркэни ыытта. Бу туһунан СӨ Борокуратууратын пресс-сулууспата иһитиннэрэр.

Сайабылыанньа суруйбут киһи байыаннай дьайыы кэмигэр бааһыран, онтон сылтаан инбэлиит буолбута уонна атын киһи көмөтүгэр наадыйара быһаарыллыбыт. Ол эрээри кини олорор усулуобуйатын тупсарарга уочаракка турбутун үрдүнэн, муниципалитет кыбартыыранан хааччыйбатах.

Борокуратуура Өлүөхүмэ куорат баһылыгар этии киллэрбит, оттон суут борокуруор этиитин ылыммыт уонна олохтоох дьаһалтаҕа эр киһиэхэ ирдэбилгэ эппиэттиир дьиэни биэрэргэ эбээһинэстээбит. Билиҥҥи туругунан, абайыаннай кыттыылааҕар дьиэ кэргэнин кытта бииргэ олороругар анаан икки хостоох толору хааччыллыылаах кыбартыыра бэрилиннэ, кини бырааба чөлүгэр түһэрилиннэ.