Борокуратуура ирдэбилинэн Чурапчыга үөрэнээччилэр учуобунньуктарынан хааччылыннылар

Чурапчытааҕы борокуратуура үөрэх туһунан сокуону тутуһууну бэрэбиэркэлээтэ. Ол туһунан СӨ Борокуратуурата суруйар.

Ол курдук, Д.П. Коркин аатынан Чурапчытааҕы успуорт интэринээт-оскуола 1-11 кылааһын үөрэнээччилэрэ учуобунньуктарынан уонна босуобуйаларынан сөптөөхтүк хааччыллыбатахтара быһарыллыбыт. Үөрэх тэрилтэтигэр учуобунньуктарынан уонна босуобуйаларынан хааччыйыы бүтэһигин 2023 сыллаахха оҥоһуллубут.

Борокуратуура Физическэй култуура уонна успуорт министиэристибэтигэр тахсыбыт сокуон кэһиитин туоратар эбээһинэстээҕинэн, дьыаланы суут көрүүтүгэр ыыппыт. Суут борокуруор этиитин өйөөбүт. Түмүгэр борокуратуура ирдэбилинэн билигин успуорт оскуолатын үөрэнээччилэригэр 5 тыһ. кэриҥэ учуобунньук уонна босуобуйа атыылаһылынна.