Борокуратуура ирдэбилинэн өлбүт киһи ийэтигэр 2 мөл. солк. төлөөбүттэр

Алдан улууһун борокуратуурата үлэҕэ харыстабыл туһунан сокуон толоруллуутугар бэрэбиэркэ ыыппыт.

Былырыын сэтинньигэ үлэтин эбээһинэһин толоро сылдьан оһоллонон гидрометаллург-аппаратчик өлбүт, ол төрүөтүнэн үлэни тэрийии мөлтөҕө быһаарыллыбыт.

Борокуратуура суукка үлэ биэрээччиттэн өлбүт киһи ийэтигэр моральнай толуйууга төлөбүр көрүллэригэр ирдэһэр суругу ыыппыт. Суут борокуратуура суругун кытта сөпсөһөн, 2 мөл. солк. ирдээн ылбыт.

Күн бүгүн өлбүт үлэһит ийэтигэр 2 мөл. солк. ыыппыттар.

Кутталлаах оҥорон таһаарар эбийиэккэ бырамыысыланнай куттал суох буолуутун ирдэбилин кэһии түмүгэр, киһи өлүүтэ алҕас  тахсыбытынан, буруйдаах киһиэхэ суутунан эрдэ бириигэбэри таһаарбыттар. Бу туһунан СӨ Борокуратууратын телеграм ханаалыгар иһитиннэрэллэр.