Борокуратуура ирдэбилинэн икки нэһилиэккэ хомунаалынай өҥө төлөбүрүгэр хаттаан ааҕыы оҥоһулунна

Мэҥэ Хаҥалас борокуратууратын ирдэбилинэн икки нэһилиэк олохтоохторугар хаачыстыбата суох хомунаалынай өҥө оҥоһуллубутун иһин төлөбүрү хаттаан ааҕыы ыытылынна.

Силиэстийэ быһаарыытынан, былырыын балаҕан 9 күнүгэр Мэҥэ Хаҥалас оройуонугар оттук сезона саҕаламмыт кэмигэр, Матта уонна Балыктаах сэлиэнньэлэрин ититиинэн хааччыйар «Юпитер» ХЭУо хочуолунайдара үлэҕэ киирбэтэхтэр. Сылааһы биэрии борокуратуура ирдэбилинэн 2024 с. балаҕан ыйын 13 күнүттэн саҕаламмыт.

Нэһилиэнньэҕэ хомунаалынай өҥөнөн хааччыйыы нуормалыыр эрэсиимин кэһии чахчытынан, уопсастыба генеральнай дириэктэрэ ыстарааптаах административнай эппиэтинэскэ тардылынна.

Оройуон борокуратууратын көҕүлээһининэн 41 олохтоохторго хаачыстыбата суох хомунаалынай өҥө иһин төлөбүрү хаттаан ааҕыы оҥоһулунна, диэн СӨ Борокуратууратын пресс-сулууспата иһитиннэрэр.