Борокуратуура ирдэбилинэн Орто Халыма олохтооҕун тырааныспар ыытар бырааба тохтотулунна

Орто Халыма оройуонун борокуратуурата суолга куттала суох буолуу быраабылатын сокуонун толоруутун бэрэбиэркэлээтэ.

Силиэстийэ быһаарыытынан, суоппар дастабырыанньалаах Орто Халыма оройуонун олохтооҕо психиатрга учуокка турара быһаарыллыбыт.

Суол быһылаанын тахсыытын уонна дьон доруобуйатын буортулааһынын төрүөтүн тахсыытын туоратыыга оройуон борокуратуурата тырааныспары салайыыга быраабын быһарга суут көрүүтүгэр этии киллэрбит.

Борокуруор ирдэбилин суут ылыммыт. Суут быһаарыыта сокуоннай күүһүгэр киирэ илик, диэн СӨ Борокуратууратын пресс-сулууспата иһитиннэрэр.