Борокуратуура ирдэбилинэн Саха сирин бүддьүөтүгэр 1,5 мөл. солк. төннөрүлүннэ

Борокуратуура ирдэбилин түмүгэр Саха сирин  бүддьүөтүгэр 1,5 мөл. солкуобай төннөрүлүннэ.

Горнай оройуонун борокуратуурата өрөспүүбүлүкэ борокуратууратын сорудаҕынан оройуон дьаһалтатыгар бүддьүөт сокуонун тутуһуутун бэрэбиэркэлээтэ.

Бэрэбиэркэ кэмигэр быһаарыллыбытынан, улуус дьаһалтата Горнай улууһун Бэрдьигэстээх сэлиэнньэтин уунан хааччыйыы эбийиэгин тутуу үлэтин икки төгүл төлөөбүт. Борокуратуура туруорсуутун кэнниттэн бэдэрээччит сокуону кэһэн ылбыт 1,5 мөл. солкуобайын оройуон дьаһалтатын бүддьүөтүгэр төннөрбүт, онтон дьаһалта үбү-харчыны өрөспүүбүлүкэ бүддьүөтүгэр ыыппыт. Борокуратуура көҕүлээһининэн ити чахчынан процессуальнай бэрэбиэркэ тэрилиннэ, диэн СӨ Борокуратууратын пресс-сулууспата суруйар.