Борокуратуура ирдэбилинэн саҥа оскуола үлэҕэ киирдэ

СӨ Борокуратуурата оҕолор эбии үөрэхтээһини ылар бырааптарын тутуһууну бэрэбиэркэлээтэ.

Былырыын Алдан улууһун Томмот куоракка  И.Н. Касьяненко аатынан ускуустуба оскуолатын дьиэтэ тутуллубут. Ол эрэн, эбийиэк тутууга итэҕэстэринэн, ол иһигэр бырайыактыыр докумуоннара тутуһуллубатах чааһыгар үлэҕэ киллэриллибэтэх, эбийиэк акылаата түспүтэ бэлиэтэммит.

Алдан оройуонун дьаһалтатын уонна «КИНГ- 95» ХЭУо икки ардыларыгар суут кэмигэр мөккүөрдэрин түмүгэр тутааччы үбүн-харчытын суотугар тутуллубут эбийиэк көтүрүллэригэр уонна саҥа эбийиэк тутулларыгар сөбүлэһии түһэрсиллибит. Борокуратуура сөбүлэһиинэн ылыммыт эбэһээтэлистибэлэрин толоруутун хонтуруолун хааччыйда, эбийиэги көрүүлэри ыытта.

Ити курдук борокуратуура ирдэбилинэн 43,4 мөл. солк. суумалаах 1,5 тыһ. кв. м иэннээх дьиэ тутуута түмүктэннэ, эбийиэк үлэҕэ киирдэ. 206 үөрэнээччи уонна 13 уһуйааччы бырааптара сокуонунан көмүскэннэ.