Борокуратуура оҕолору ууттан сэрэхтээх буоларга ыҥырар

Борокуратуура иһитиннэрбитинэн, былырыын уон оҕо ууга түспүт. Быйыл икки түгэн бэлиэтэммит: биир — ууга, иккиһэ — дьиэҕэ бааннаҕа. Бу туһунан «Якутия24» биэриигэ СӨ Борокуратуура управлениетын саастарын ситэ илик оҕолор бырааптарын кэтээн көрүүгэ отделын начаалынньыгын э.т. Матвей Титов иһитиннэрбит.

«Оҕо умсуон, сүүрүккэ оҕустарыан, наһаа тэйэн хаалыан сөп. Онон сэрэхтээх буолуохха. Төрөппүт эбээһинэһин ситэтэ суох толоруу иһин административнай эппиэтинэс сүктэриллэр. Оттон иэдээн таҕыстаҕына холуобунай эппиэтинэс күүтэр — РФ Холуобунай кодексын 109 уонна 125 ыстатыйаларынан»,— диэтэ Матвей Титов.

Үксүгэр сөтүөлүүргэ анал миэстэ оҥоһуллубатаҕа маннык иэдээҥҥэ тириэрдэр.

Матвей Титов сайыҥҥы кэмҥэ дьон уулаах сиргэ сынньанар, үксүгэр оҕолорун кытта. Маннык сирдэргэ сэрэхтээх буолуу наадатын бэлиэтээтэ.

Борокуратуура маннык чахыларынан бэрэбиэркэлэри ыытар. 2024 сылга суукка көҥүллээх сөтүөлүүр сирдэри сөптөөх гына оҥорорго 17 ирдэбил ыытыллыбыт. Итинтэн 14 туолбут.

Цифровой канааллары сэрэтэр үлэҕэ күүскэ туһаныахха наадатын кини ыйда.

Өрөспүүбүлүкэҕэ түөрт дьиҥнээхтик көҥүллэмит сөтүөлүүр сир баар. Онно даҕаны оҕолору үчүгэйдик кэтээн көрүөххэ.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата.