Борокуратуура орооһон, сэлиэнньэ биэлсэрдэммит
Борокуратуура орооһуутун кэннэ, Өймөкөөн улууһугар эмтиэкэҕэ эмп-том аҕалыллыбыт уонна биэлсэр үлэнэн хааччыллыбыт. Бу туһунан СӨ Борокуратуурата иһитиннэрдэ.
Өймөкөөн оройуонун борокуратуурата быһаарбытынан, Үчүгэйдээҕи биэлсэр-акушер пуунугар бастайааннай үлэһит суох эбит. Инньэ гынан мэдиссиинискэй көмөнү уонна нэһилиэнньэҕэ өҥөнү атын сэлиэнньэттэн биэлсэр кэлэн оҥорор эбит. Аны ФАП иһинэн үлэлиир эмтиэкэ фармацевтическай лиссиэнсийэлээҕин үрдүнэн, туһааннаах эмп-том суоҕа быһаарыллыбыт. Онон сэлиэнньэ олохтоохторо хаачыстыбалаах уонна тиийимтиэ мэдиссиинискэй көмөнөн хааччыллыыга бырааптара кэһиллэн олорбут.
Борокуратуура орооһуутун түмүгэр, эмтиэкэ пуунугар эмп-том аҕалыллыбыт уонна сэлиэнньэҕэ миэстэтигэр олорон үлэлиир биэлсэр баар буолбут.
Сообщить об опечатке
Текст, который будет отправлен нашим редакторам: