Борокуратуура орооһуутун түмүгэр дьахтарга эмтэнэр сиригэр барбыт-кэлбит ороскуота толуйулунна

Абый улууһун борокуратуурата олохтоох киһи үҥсүүтүнэн бэриэбиэркэ оҥорбутунан, оройуоннааҕы доруобуйа харыстабылын тэрилтэтэ ыытыытынан, Дьокуускай куоракка мэдиссиинэ көмөтө оҥоһуллубут. Бу туһунан СӨ Борокуратута иһитиннэрэр.

Ол гынан баран, сокуон ирдэбилэ баарын үрдүнэн, ыарыһах эмтэнэр сиригэр барар уонна кэлэр айанын иһин 66 тыһыынчаттан тахса суумалаах төлөбүрүн оҥорботохтор.

Борокуратуура сокуону кэһии тахсбытынан, оройуоннааҕы киин балыыһа кылаабынйа бырааһын эбээһинэһин толорооччуга ирдэһии киллэрбит.

Ол курдук Борокуратуура орооһуутун түмүгэр, дьахтар эмтэнэр сиригэр барар-кэлэр ороскуота толору төннөрүллүбүт.