Борокуратуура уһуйааҥҥа оҕо эчэйбитинэн миэрэ ылла

Дьокуускай куорат борокуратуурата “Радуга” 5 №-дээх уһуйааҥҥа 2020 с. төрүөх оҕо эчэйбитинэн бэрэбиэркэ ыытта.

Быйыл от ыйын 9 күнүгэр кыысчаан ийэтин кытта  уһуйаантан  тахсан баран, тимир пандуһунан аллараа сүүрбүт уонна пандус бэриилэтигэр иҥиннэриллибэтэх поликарбонат илииһигэр  төбөтүнэн баран түспүт. Ол түмүгэр оҕо уҥа иэдэһин эчэппит.

Оскуола иннинээҕи үөрэх тэрилтэтин үлэһиттэрэ бэйэлэрин эбээһинэстэрин ситэ толорботторуттан маннык быһыы тахсыбыт.

Борокуратуура сэбиэдиссэйи РФ КоАП 5.57 ыст. 2 ч. дьыала көбүтэн, ону көрүү түмүгүнэн киниэхэ 10 тыһыынча солкуобай кээмэйдээх ыстараап олохтоммут.

Ону тэҥэ борокуратуура 200 000 солк. кээмэйдээх (көрүүгэ сылдьар) моральнай толуйууну оҕо туһатыгар бу тэрилтэттэн ирдииргэ суукка дьыала түһэрбит.