Борокуруор эчэйбит киһи интэриэһигэр үлэ биэрээччиттэн 1 мөл. солк. хоромньуну ирдээтэ

Дьокуускай к. борокуруора үҥсүү түһэрбитинэн, үлэлии сылдьан эмсэҕэлээбит киһиэхэ суут үлэ биэрээччиттэн моральнай хоромньуну төлүүрүгэр күһэйдэ.   

2024 сыл ыам ыйыгар “Дьокуускай к. оҥоһуу муустаах сабыылаах каток” эбийиэк тутуутугар үлэлии сылдьан, үлэһит үөһэттэн сууллан түспүт, бу үлэ биэрээччи үлэҕэ куттал суох буолуутугар сөптөөх миэрэни ылбатаҕын түмүгэр буолбута быһаарылынна.

Быһылаан түмүгэр үлэһит доруобуйата улаханнык эчэйбит.

Борокуратуура кини интэриэһигэр үлэ биэрээччиттэн моральнай хоромньуну толуйарыгар суукка үҥсүү түһэрбит.

Суут борокуруор үҥсүүтүн толорон, 1 мөл. солк. хоромньуну ирдээтэ.

Быһаарыы күүһүгэр киирэ илик.