Борокуруор ирдэбилинэн хаарбах туруктаах дьиэттэн дьону көһөрүөхтэрэ

Дьокуускай куорат борокуратуурата Семен Данилов уулуссаҕа олорор дьиэ хаарбах туруктааҕынан куорат уокуругун дьаһалтатын дьону көһөрөргө эбээһинэстээтэ. 

Бу күннэргэ кии куорат борокуратуурата дьиэнэн хааччыйыы сокуону тутуһууну бэрэбиэркэлиир кэмигэр «Дьокуускай куорат» уокуругун дьаһалтата үлэтигэр эппиэтинэһэ суохтук сыһыаннаспытын билиннэ.

Силиэстийэ быһаарыытынан, киин куорат Семен Данилов уулуссатын 14/1 №-дээх кыбартаалынай дьиэтэ сэттэ сыл анараа өттүгэр хаарбах уонна саахалланар туруктааҕынан билиниллибитэ быһаарылынна. Ол эрээри болдьоҕунан 2022 сыл бүтүөр диэри олохтоохторго бэриллиэхтээх саҥа кыбартыыралар күлүүстэрэ туттарыллыбатах. Онуоха эбиитин олорор дьиэ тэхиниичэскэй көрүүтүн түмүгэр олорор дьиэ киһи олоҕор кутталы үөскэппитэ быһаарыллыбыт. Борокуратуура «Дьокуускай куорат» уокуругун дьаһалтата үлэҕэ эппиэтинэһэ суохтук сыһыаннаспытын билиннэ уонна дьиэ олохтоохторун суһаллык көһөрөргө сөптөөх дьаһаллары ылынар эбээһинэстээҕин туһунан дьыаланы суут көрүүтүгэр ыытта. Суут борокуруор ирдэбилин толору ылынна. Суут быһаарыыта сокуоннай күүһүгэр киирэ илик. Бу туһунан СӨ Борокуратууратын пресс-сулууспата иһитиннэрэр.