Борокуруор ирдэбилинэн Тааттаҕа шахтердарга 37 мөл. тахса солк. хамнас иэһэ төлөннө

Таатта улууһун  борокуратуурата «Төлөн» АУо үлэһиттэригэр хамнастарын кэмигэр төлөөбөтүнэн сибээстээн, үлэ сокуонун тутуһуутун бэрэбиэркэлээтэ. Бу туһунан СӨ Борокуратуурата иһитиннэрэр.

Силиэстийэҕэ быһаарыллыбытынан, тэрилтэ 119 үлэһитигэр 37 мөлүйүөнтэн тахса солкуобай суумалаах хамнастарыгар иэстээх эбит. Дьон үлэҕэ быраабын көмүскүүр сыалтан, борокуратуура акционернай уопсастыба салайааччытыгар этии киллэрдэ. Ону таһынан, салайааччыга РФ Административнай кодексатын 5.27-с ыстатыйатын 6-с чааһынан (хамнаһы бигэргэтиллибит болдьоххо төлөөбөт буолуу) административнай дьыала көбүтүлүннэ. Борокуруор ирдэбилин түмүгэр үлэһиттэр хамнастарын иэһэ толору төлөннө. Кинилэр бырааптара чөлүгэр түһэрилиннэ.