Борокуруор көрдөһүүтүнэн, суут улуус дьаһалтатыгар уулуссаны сырдатарга дьаһайда

Амма улууһун борокуратуурата суолга куттал суох буолуутун сокуонун тутуһууга бэрэбиэркэни ыытта.

Ол түмүгэр Амма нэһилиэгин дьаһалтата сокуон ирдэбилин кэһии, чуолаан айан суолун учаастактарыгар уотунан хааччыйыы оҥоһулла илигэ быһаарылынна диэн СӨ Борокуратуурата иһитиннэрэр.

Улуус борокуратуурата Амма сэлиэнньэтин баһылыгар сайабылыанньа киллэрбит, кэлин муниципалитекка быраабы кэһиилэри суох оҥорорго эбэһээтэлистибэни олохтуур туһунан суукка сайабылыанньа түһэрбит. Суут борокуруор сайабылыанньатын толору ылыммыт.

Суут быһаарыыта сокуоннай күүһүгэр киирэ илик.